0Shares

Deontay Wilder vazhdon të jetë i pamposhtur në kategorinë WBC të peshave të rënda, pasi e mbrojti titullin përballë kubanezit Luis Ortiz.

Boksieri amerikan e ka ngritur në 40-0 rekordin e tij (39 nokaute), pas triumfit me nokaut teknik në përballjen e zhvilluar në Barclays Center në Brooklyn të New Yorkut.

Gjatë duelit ndaj Ortiz, Wilder pati një moment kritik dhe për pak sa nuk u nokautua, mirëpo ai arriti të kthehej dhe të shpallej fitues.

“Një kampion i vërtetë, gjithmonë e gjen mënyrën për t’u kthyer dhe këtë e bëra sonte. Luis Ortiz është një i krisur dhe bëri një duel fantastik. Ishte kundërshtar i madh dhe unë tregova se mund t’i duroj grushtet”.

I pandalshmi Wilder fiton edhe ndaj Ortiz, i tregon botës edhe një herë se është i gatshëm për Joshuan I pandalshmi Wilder fiton edhe ndaj Ortiz, i tregon botës edhe një herë se është i gatshëm për Joshuan

“Kur të largohet sonte, ai mund të qëndrojë kryelartë. Ishte një duel fantastik dhe zemra ime është me Luis Ortiz”, ka deklaruar Wilder pas meçit.

(Foto: Getty Images)

Kjo fitore i ka hapur rrugë amerikanit që në të ardhmen të kërkojë një duel kundër Anthony Joshuas, i cili në fund të këtij muaji do ta zhvillojë meçin kundër Joseph Parker.

“Jam i gatshëm që tani. Gjithmonë kam thënë se e dëshiroj unifikimin (e titujve). Unë jam njeriu më i rrezikshëm në botë, njeriu më i keq në planet dhe këtë e kam dëshmuar sonte”.

“Sonte e kam konfirmuar këtë dhe shumë shpejt do të jetë vetëm një emër dhe ai do të jetë Deontay Wilder”, është shprehur boksieri.

(Foto: Getty Images)

Ai ka thënë se kundërshtari i ardhshëm i Joshuas, Joseph Parker, ka mundësi reale për ta mposhtur britanikun, por duhet të jetë i mençur gjatë meçit mes tyre.

“Parker duhet të jetë i mençur dhe ta realizojë planin e ndeshjes (ndaj Joshuas)”, ka shtuar kampioni WBC-së. /Telegrafi/

Të Ngjajshme
Shfaq Komentet (0)