WhoScored e lë Messin jashtë formacionit me lojtarët me statistika më të mira, Ronaldo është aty

Lionel Messi mund ta ketë fituar Pichichin dhe Këpucën e Artë Evropiane, mirëpo ai nuk është përfshirë në formacionin e statistikave të krijuar nga WhoScored.

Në fakt, 31-vjeçari argjentinas ka marrë një vlerësim të përgjithshëm 8.77 në Ligën e Kampionëve dhe 8.48 në La Liga, por që nuk ishte e mjaftueshme që të futej në formacionin e statistikave më të mira.

Pra, le ta shikojmë formacionin e statistikave më të mira me lojtarët që kanë pasur paraqitje të mirë në sezonin që lamë pas të krijuar nga Who Scored.

Në një formacion 4-4-2, portieri i Cagliarit, Alessio Cragno (7.1), ka arritur ta zë vendin e numrit një në portë.

Joshua Kimmich i Bayern Munichut (7.5) është mbrojtës i djathtë, Marcel Halstenberg i RasenBallsport Leipzig i mbrojtësi i majtë (7.6), Virgil van Dijku (7.4) dhe Willi Orban i RB Leipzigut në qendër (7.4).

Alejandro Dario Gomez i Atalantas (7.6), Teji Savanier i Nimes (7.9), Nicolas Pepe  i Lille (7.6) dhe Eden Hazard i Chelseas (7.8) janë në mesfushë.

Lexo po ashtu Goal.com zgjedh formacionin me lojtarët më të mirë në pesë ligat kryesore evropiane, asnjë lojtar i kampionëve francez dhe gjerman

Cristiano Ronaldo (7.7) dhe Kylian Mbappe (8.0), janë në sulm, duke e kompletuar kështu formacionin e sezonit të WhoScored në bazë të statistikave. /Telegrafi/