Lajmi në disa media të caktuara se Lëvizja Vetëvendosje ka marr qëndrim të kandidojë Agim Bahtirin për kryetar të komunës së Mitrovicës, është hedhur poshtë nga kryetari i kësaj Dege në Mitrovicë, Faruk Mujka.
I kontaktuar nga KosovaPress përmes telefonit, Mujka ka mohuar kategorikisht një gjë të tillë, duke bërë të ditur se lajmet e tilla janë vetëm spekulime. “Nuk kemi vendosur akoma dhe nuk është e vërtetë.
Sot gjatë ditës kryetari i Lëvizjes, Visar Ymeri me bashkëpunëtorë, pritet ta vizitojë Degën tonë në Mitrovicë dhe shpresoj të bëhet i ditur saktë emri i kandidatit për kryetar të komunës nga radhët tona”, ka thënë Mujka.
