Kryeministri i Malit të Zi, Dushko Markoviq, nesër do të qëndrojë për vizitë në Kosovë, ku do të zhvillojë takime me kryeministrin Ramush Haradinaj dhe kryeparlamentarin Kadri Veseli.
Kjo vizitë e kryeministrit malazez vie pas ftesës që i bëri vetë kryeministri Haradinaj, në një kohë kur Kuvendi i Kosovës pritet të deklarohet përfundimisht rreth Marrëveshjes për kufirin shtetëror ndërmjet Kosovës dhe Malit të Zi, e cila është nënshkruar në vitin 2015.
Ditë më parë të dyja qeveritë edhe ajo e Kosovës edhe ajo e Malit të Zi deklaruan se vizita e kryeministrit Markoviq pritet të jetë vizitë e rregullt, mirëpo duke mos anashkaluar edhe çështjen e Demarkacionit.
E kjo vizitë e kryeministrit të Malit të Zi, Dushko Markoviq sipas analistëve pritet të jetë shenjë e promovimit dhe avancimit të raporteve ndërshtetërore dhe fqinjësi tëë mirë në mes të dyja shteteve.
Të njëjtit shprehen se kjo vizitë nuk mund të shërbej për ndonjë zgjidhje të re sa i përket Demarkacionit.
Analisti Imer Mushkolaj ka theksuar se vizita e nesërme e kryeministrit të Malit të Zi, Dushko Markoviq në Kosovë, do të duhej që të shërbente si një takim i vullnetit të mirë në shtyrjen përpara të zgjidhjes së problemit të demarkacionit.
Ai ka thënë për Telegrafin se zgjidhja që po përflitet ditëve të fundit për Demarkacionin – që marrëveshja të pranohet më kushtin që gjetjet e mëvonshme të përmirësohen – do të mund të përfundonte edhe më herët, kur dihet sipas tij, se fqinjin perëndimor e kanë vizituar zëvendëskryeministrat Behgjet Pacolli dhe Enver Hoxhaj.
“Zgjidhja që po përflitet është në kuadër të marrëveshjes të lihet hapur mundësia që të përmirësohen, por jo të rinegociohet. Nuk do të ketë rinegocim të marrëveshjes, por miratim të versionit aktual dhe përmirësim eventual të lëshimeve që janë bërë gjatë procesit”, ka shtuar Mushkolaj
Sipas tij, problemi më i madh do të jetë arsyetimi i kryeministrit të Kosovës, Ramush Haradinaj nëse ratifikohet kjo marrëveshje, sepse për tri vite radhazi qytetarët e Kosovës janë bllokuar.
Në anën tjetër, profesori i së drejtës ndërkombëtare, Afrim Hoti ka thënë se kjo vizitë sa i përket Demarkacionit vetëm sa do ta konfirmojë qëndrimin e Malit të Zi rreth kësaj çështje.
“Në kuptimin e zhvillimeve të Demarkacionit mendoj se do të konfirmohet ajo që është thënë disa herë që për Malin e Zi kjo çështje është e mbyllur dhe logjikisht nuk mund të jetë ndryshe për faktin se marrëveshja në fjalë është e ratifikuar nga Mali i Zi dhe si e tillë nuk mund të rinegociohet nga shefi malazez i ekzekutivit”, ka thënë Hoti për Telegrafin.
Ai më tej ka theksuar se pjesa tjetër lidhet me përpjekjet e lidershipit tonë politik për të gjetur formulën e ecjes përpara e cila sipas Hotit, synon ta mbajë gjallë shpresën që marrëveshja në fjalë do të rishikohet pas një afati të caktuar kohor.
“Kjo mbase edhe ka logjike sepse pavarësisht ratifikimit në parlamentet kombëtare, në secilin rast kur zbulohet element mashtrimi, lajthitje, dhune apo eventualisht korrupsion i negociatorit, marrëveshja në fjalë shpallet nule dhe e njëjta mund të rinegociohet. Nëse pala kosovare mund të provojë ndonjërin nga kushtet e cekura më lart, është e natyrshme që marrëveshja duhet të shpallet nule”, u shpreh Hoti, duke shtuar se përtej kësaj nuk pret ndonjë zhvillim dramatik, përveçse konsolidim të raporteve shtetërore dhe avancim me agjendën reciproke në integrimet evropiane të të dyja shteteve.
Kujtojmë se Kryesia e Kuvendit të Kosovës e ka shtyrë për një kohë të pacaktuar shqyrtimin dhe votimin e Projektligjit për ratifikimin e Marrëveshjes së demarkacionit të kufirit, ndërmjet Kosovës dhe Malit të Zi. Kryesia e ka marrë këtë vendim për shkak të mungesës së konsensusit politik.
Demarkacioni është marrëveshje ndërkombëtare, andaj për ratifikim e saj nevojiten 80 vota, apo dy të tretat e votave të deputetëve. /Telegrafi/
Lufta Prigozhin - Putin
Më shumëNga Rubrika
Ndalohet një shtetas i Kosovës në Maqedoni, kërkohej nga Interpoli
IKD: Projektligji për tekste shkollore nuk pati vota të mjaftueshme, procesi të kthehet në pikën zero
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre