Ylli i Real Madridit dhe kombëtares së Brazilit, Vinicius Junior, ka pranuar se prania e Lionel Messit e bën Argjentinën një nga favoritët për të fituar Kupën e Botës, e cila zhvillohet këtë verë.
Sulmuesi anësori i Seleçaos beson se paparashikueshmëria e Messit mund t'u japë rivalëve të tyre të përbetuar një avantazh kyç në përpjekjen e tyre për të mbrojtur titullin botëror më Amerikë, Kanada dhe Meksikë.
Pavarësisht rivalitetit të ashpër midis dy gjigantëve të futbollit të Amerikës së Jugut, Vinicius pranoi forcën e ekipit të udhëhequr nga trajneri Lionel Scaloni, i cili do të përpiqet të mbrojë titullin e tij.
“Do ta vendosja edhe Argjentinën midis favoritëve për Kupën e Botës sepse janë kampionët aktualë, kanë besim të madh dhe kanë Messin”, ka thënë fillimisht Vinicius për CazeTV.
Edhe pse Argjentina krenohet me një ekip të koordinuar mirë, Vinicius kishte lëvdata të veçanta për kapitenin e tyre legjendar. Edhe në moshën 38-vjeçare, Messi mbetet lojtari më i rrezikshëm në botë në sytë e kundërshtarëve të tij.
Braziliani theksoi se sa e vështirë është të përgatitesh për një lojtar që mund ta kthejë ndeshjen në një çast me një lëvizje që asnjë mbrojtës nuk mund ta parashikojë.
Duke folur për sfidën e përballjes me fituesin e tetë herë Topit të Artë, Vinicius shtoi: "Ai gjithmonë sjell diçka ndryshe, nuk e imagjinojmë kurrë se çfarë mund të bëjë”. /Telegrafi/
