Ushqim i përbashkët në stërvitje, rikthimi i gjobave, ndalimi i aktiviteteve të rrezikshme – 10 rregullat e rrepta të Xavit te Barcelona
Trajneri i ri i Barcelonës, Xavi Hernandez, nuk ka humbur për ta vendosur autoritetin e tij te klubi, duke bërë një listë prej dhjetë rregullave të rrepta në përpjekje për t’i kthyer katalunasit në majën e futbollit.
Legjenda spanjolle e zëvendësoi Ronald Koemanin duke e marrë skuadrën në një situatë kur ndodhet në vend të nëntë në tabelën e La Ligas.
Dhe në përpjekje për t’i kthyer Blaugranët aty ku kanë qenë në të kaluarën, Xavi ka caktuar një listë prej ‘10 udhëzimesh’ këtë javë që është bërë publike nga AS, ndërsa lojtarët janë të obliguar që ta zbatojnë pa kurrfarë përjashtimi.
Professor Xavi pic.twitter.com/D5xUcc6UYN
— FC Barcelona (@FCBarcelona) November 11, 2021
Dhjetë rregullat strikte të Xavit
1) Futbollistët duhet të arrijnë një orë e gjysmë më herët për stërvitje
2) Stafi duhet të arrijë dy orë më herët për stërvitje
3) Lojtarët duhet të hanë ushqim brenda objekteve të fushës stërvitore
4) Gjobat janë rikthyer
5) Gjobat do të jenë më të rënda për ata që i përsëritin
6) Futbollistët duhet të jenë në shtëpi para mesnatës kur ndeshja është më pak se 48 orë larg
7) Duhet të stërviten mirë për të qenë pjesë e skuadrës
8) Kontrollimi i angazhime jofutbollistike ose mbikëqyrja e rrezikut nga një pjesëtar i stafit trajnues
9) Ndalohen aktivitetet me rrezik të lartë
10) Shfaqje e vazhdueshme e imazhit pozitiv
Derisa nën urdhrat e Koeman, futbollistët duhej të arrinin në stërvitje 30 minuta më herët, nën regjimin e trajnerit të ri, ata duhet të jenë në fushën stërvitore 90 minuta më herët që të përgatiten për t’i filluar stërvitjes, derisa stafi duhet të jetë i pranishëm 120 minuta më herët.
Ka qenë praktikë e të kaluarës që lojtarët të zgjidhnin ku të janë drekë, në objektet e fushës stërvitore apo të shkonin në shtëpi e diku tjetër menjëherë pas stërvitjeve, por rregulli i Xavit është që të gjithë lojtarët të hanë ushqim bashkë në Cuitat Esportiva.
Dieta është shumë e rëndësishme, prandaj trajneri beson se duke i ngrënë ushqimet e duhura, lojtarët do të mbrohen nga lëndimet dhe do t’i përmirësojnë përgatitjet fizike për ndeshjet.
Që nga largimi i Luis Enriques, nuk ka pasur gjoba te Barca. Xavi i ka rikthyer ato. Për më shumë, në rast të përsëritjes së shkeljeve, gjobat do të rriten dukshëm.
Futbollistët duhet t’i kufizojnë aktivitetet e tyre josportive që është një rregull e panegociueshme. Nëse kanë më pak se 48 orë para një ndeshjeje, lojtarët nuk guxojnë të vonohen në shtëpi pas mesnate, në mënyrë që të jenë në gjendje sa më të mirë para takimit.
Në rast se ndonjë aktivitet josportiv fillon të ndikojë në lojën e tyre, atëherë futbollisti i caktuar do të mbikëqyret nga një anëtar i stafit trajnues.
Pas ardhjes në fuqi të rregullave të reja, qendërmbrojtësi veteran, Gerard Pique, e anuloi një intervistë të planifikuar televizive, në mënyrë që të fokusohet në futboll.
Njëherësh, disa aktivitete “të rrezikshme’ janë ndaluar tërësisht dhe futbollistëve u është thënë se e kanë të ndaluar surfimin ose vozitjen e biçikletave elektrike, për shkak të frikës se mund të lëndohen.
Nëse një lojtar shpallet fajtor për një veprim të tillë, rasti do t’i bartet menjëherë departamentit ligjor të klubit dhe do të konsiderohet si shkelje flagrante e kontratës.
Dy rregullat e fundit të ’10 udhëzimeve’ të Xavit kanë të bëjnë me imazhin dhe meritokracinë. Futbollistë duhet të jenë shembull për sjellje dhe model për tifozët, ndërsa rregulli i fundit e bën të qartë se skuadra duhet të stërvitet sikurse është në një lojë zyrtare.
“Vetëm ata që stërviten më mirë dhe kanë përkushtimin më të madh në punë do ta kenë opsionin për të qenë startues (në ditën e ndeshjeve)”, thotë rregulli.
Xavi do të shpresojë që rregullat e reja do të ndikojnë për të ndalur rënien e mëtejme të Barcelonës në La Liga dhe në Ligën e Kampionëve duke dashur ta rikthejë nivelin nga koha kur ai ishte pjesë e ekipit si futbollist aktiv. /Telegrafi/
Lufta Prigozhin - Putin
Më shumëNga Rubrika
Barcelona ka dy javë kohë për të zgjedhur numrin 10 – në klub kanë tri opsione
Njëri nga pronarët e Chelseat do ta humbë rolin e tij në klub
“Ai do të largohet në verë, por ka ende punë te Rapidi” – trajneri i Albion Rrahmanit flet për të ardhmen e lojtarit
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?
Zbulohet emri i vërtetë i Kylian Mbappes - ka lënë të shokuar fansa e tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes