LAJMI I FUNDIT:

Unitedi e nis me shumë gola, Lukaku paralajmëron çfarë të pritet nga ai (Video)

Unitedi e nis me shumë gola, Lukaku paralajmëron çfarë të pritet nga ai (Video)

Manchester Unitedi e ka nisur në mënyrën më të mirë sezonin e ri në Ligën Premier. Djajtë e Kuq ishin bindës në triumfin prej 4-0 kundër West Ham Unitedit.

Mirëpo, ky rezultat nuk është tregues real i asaj që ndodhi në fushë, pasi skuadra e Jose Mourinhos e dominoi sfidën dhe krijoi raste të njëpasnjëshme, ashtu që shumë lehtë kemi mundur të shohim më shumë gola.

Vendasit ishin skuadra që e kërkoi vazhdimisht golin gjatë pjesës së parë në Old Trafford dhe goli erdhi në minutën e 33-të.

Festa e Lukakut pas golit të parë (Twitter/Squawka)

E gjitha ndodhi pas një gabimi të një lojtari mysafir dhe një kundërsulmi të shpejtë nga Marcus Rashford. Ai krijoi hapësirë dhe asistoi te Romelu Lukaku, i cili nuk e pati të vështirë të shënonte.

Me epërsi prej një goli skuadrat shkuan në pushim, ndërsa pasqyrë e njëjtë e lojës u pa edhe në gjysmën e dytë me Unitedin që sulmonte vazhdimisht dhe kërkonte të realizojë.

Goli i dytë erdhi në minutën e 52-të. Pas një harkimi fantastik të Henrikh Mkhitaryan nga gjuajtja e lirë, Lukaku realizoi me kokë duke i heshtur kritikët që mendonin se Djajtë e Kuq paguan shumë para për të.

Lukaku i heshti ata që dyshonin në cilësitë e tij (Twitter/Squawka)

Një rast shumë të mirë shënimi e pati Marko Arnautovic në minutën e 59-të, por goditja e tij u ndal në shtyllë. Po ashtu, raste shënimi në vazhdim patën edhe Rashford e Daley Blind.

Përpjekjet e njëpasnjëshme të nikoqirëve i konkretizoi me golin e tretë Anthony Martial (88’), i cili kishte vetëm tetë minuta që kishte hyrë në fushë. Mkhitaryan ishte asistues edhe në këtë gol.

Martialit i mjaftuan tetë minuta në fushë (Twitter/Squawka)

Për golin e katërt u kujdes Paul Pogba (90’), i cili shënoi me një goditje nga jashtë zonës dhe ky ishte rezultati  përfundimtar i takimit.

Këto janë tri pikët e para të Manchester Unitedit në sezonin 2017/2018 në Ligën Premier, ndërsa West Ham Unitedi do ta kërkojë rezultatin pozitiv në ndeshjet e ardhshme. /Telegrafi/

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori