Umtiti do të paraqitet në gjykatë shkaku që dëmtoi një pronë private – pronari kërkon 180 mijë euro dëmshpërblim

Samuel Umtiti nuk po kalon momente të mira te Barcelona, sidomos tani kur ka dëmtuar një pronë private.

Mbrojtësi francez do të jetë i pranishëm në gjykatë për të dëgjuar vendimin nesër (e mërkure) në ora 11:00, derisa katalunasit do të zhvillojnë përballjen me Ahtletic Bilabon nga ora 21:00 në kuadër të Kupës së Mbretit.

Sipas asaj që raporton MARCA, 26-vjeçari ka dëmtuar një shtëpi private që kishte marrë me qira, derisa pronari e ka paditur atë menjëherë.

Mediumi spanjoll bën të ditur se pronari i shtëpisë po kërkon 180 mijë euro për dëmet që ka shkaktuar Umtiti e që gjasa janë të mëdha që ai të shpallet fajtor.

Lexo po ashtu Umtiti po lufton për karrierën e tij te Barcelona

Nga gjykata, fituesi i Kupës së Botës duhet të shkojë me makinë private në ndeshjen ndaj Bilbaos, pasi Quique Setien e ka përfshirë në listën e lojtarëve të ftuar për këtë takim.

Francezi nuk ka shumë kohë që është rikthyer nga lëndimi që e mbajti për një kohë të gjatë jashtë fushave, mirëpo rasti në gjykatë mund ta ketë shqetësuar atë. /Telegrafi/

Samuel Umtiti will attend a trial in Barcelona on Thursday over alleged damages to a rented villa 😯

The owners of the property have filed a civil lawsuit against the defender and are claiming damages of €183,000 🤯 pic.twitter.com/kK7msRGo0H

— Goal (@goal) February 5, 2020