U kualifikuan në Ligën e Kampionëve, Girona synon transferimin e top yllit të Barcelonës

Një ndër befasitë më të këndshme të sezonit që lamë pas në elitën e futbollit spanjoll, ishte ekipi i Gironës. 

Të udhëhequr nga trajneri Michel, Girona bëri për vete të gjithë tifozët për shkak të stilit atraktiv të lojës dhe disa lojtarëve që morën vëmendjen e klubeve të mëdha evropiane. 

Me 81 pikë të grumbulluara, ata siguruan për herë të parë në historinë e klubit kualifikimin në Ligën e Kampionëve. 

Tani ata po synojnë që të përforcojnë ekipin për sezonin e ardhshëm dhe njëri ndër objektivat e tyre kryesor është kapiteni i Barcelonës, Sergi Roberto. 

E ardhmja e Robertos ka mbetur në dyshim pasi bisedimet me Barcelonën për rinovimin e kontratës kanë stagnuar. 

Lexo po ashtu Zbulohen dy ofertat e Bayern Munichut për Araujon

Lojtari pritet që së shpejti të ulet në tavolinë për të biseduar me drejtuesit e Barcelonës, nëse do të aktivizohet opsioni i rinovimit të kontratës edhe për 12 muaj të tjerë, apo do të largohet. 

Kjo situatë e pakëndshme sa i përket të ardhmes së tij ka bërë që Girona të interesohet për shërbimet e tij, raporton Mundo Deportivo. 

Përveç tyre, interesim për shërbimet e 32-vjeçarit kanë shprehur edhe Sevilla dhe Valencia. 

Në rast se Roberto vendos ta vazhdojë karrierën diku tjetër, ai do të largohej me shtatë tituj të fituar të La Ligës dhe dy Liga të Kampionëve. /Telegrafi/