Tuchel refuzoi oferta joshëse pas largimit nga Chelsea

Thomas Tuchel thuhet se ka refuzuar tre oferta nga klube të Ligës Premier, Bundesligës dhe madje edhe një ekip kombëtar pas shkarkimit të tij nga Chelsea në fillim të këtij sezoni.

Gjermani e udhëhoqi Chelsean drejt triumfit në Ligën e Kampionëve, Superkupën e Evropës dhe Kupën e Botës për Klube gjatë qëndrimit të tij në klub, por iu tregua dera nga pronari i ri Todd Boehly pas humbjes 1-0 ndaj Dinamo Zagrebit.

Që atëherë emri i tij është lidhur me disa punë, përkatësisht Aston Villa, Bayer Leverkusen dhe madje edhe punën në Kombëtaren e Anglisë, por që atëherë ai ka konfirmuar se ka pasur interes konkret nga klubet.

Duke folur për të ardhmen e tij, Tuchel zbuloi se i pëlqente koha e tij në Chelsea dhe se aktualisht po bën një pushim, teksa foli edhe për largimin nga londinezët.

“Nuk kam marrë ende një vendim. Tani është koha që unë të bëj një pushim. Disa klube kanë thirrur menaxherin tim, por ne ramë dakord që ai të mos më thërriste këtu për 18 ditë”, shpjegoi Tuchel për Sport Star.

“Kam dashur çdo ditë te Chelsea. Ajo mori fund shumë herët për mua, por ishte jashtë dorës sime. Kjo është edhe ajo për të cilën ju regjistroheni”.

“Kishte shumë ndeshje me të cilat isha vërtet i kënaqur – ato kundër Real Madridit (2-0), Atletico Madridit (2-0), Porto (2-0 dhe 1-0) dhe finalja (1-0 kundër Manchester City)”.

Para se t’i bashkohej Chelseat, ai pati sukses në Mainz dhe Borussia Dortmund përpara se të merrte detyrën e Paris Saint-Germain, ku udhëhoqi ekipin deri në finalen e Ligës së Kampionëve, e cila ishte e para për klubin, por ata humben ndaj Bayern Munichut, në ndeshjen e zhvilluar me dyer të mbyllura.

Një vit më vonë ai gjeti sukses me Blutë, falë një goli të Kai Havertz kundër Manchester Cityt për të dhënë momentin e tij më të mirë si trajner deri më sot.

Për më tepër, ai ndihmoi të drejtonte Chelsean në një periudhë tepër të vështirë sezonin e kaluar, kur pronarit Roman Abramovich iu sekuestruan pasuritë dhe u detyrua të shiste klubin.

Tuchel e drejtoi klubin në një periudhë tepër të vështirë për të siguruar futbollin në top katërshe dhe gjithashtu humbi në dy finale të kupave vendase. /Telegrafi/