Trendi i futjes së topit me makinë lodër u aplikua edhe në finale të Ligës së Kombeve

Një veturë lodër është përdorur që të sillet topi në mesin e fushës të finales së Ligës së Kombeve që u zhvillua në mes të Portugalisë dhe Holandës në stadiumin Do Dragao.

Kjo mënyrë e futjes së topit në fushë është duke u bërë si trend në botën e futbollit, derisa në javën e kaluar ishte përdorur një makinë që topit të vihet në qendrën e fushës në miqësoren që Franca e zhvilloi ndaj Bolivisë.

Remote control car taking the ball on the pitch pic.twitter.com/weZmcbIVA7

— Max Rushden (@maxrushden) June 9, 2019

Por, mënyra e futjes së topit me makina të vogla e të mëdha, është duke u kritikuar nga shumë futbolldashës, pasi më shumë është qesharake se sa interesante.

Lexo po ashtu Portugalia fiton trofeun e Ligës së Kombeve, pasi në finale mposht Holandën

Të parët që kishin filluar të bëjnë një gjë të tillë, ishin Kina dhe Japonia, por që më vonë kjo u bë trend edhe në Amerikën Latine, e nëpër vendet e tjera të ndryshme të botës.

Duket se jetëgjatësia e këtij trendi do të jetë e shkurtër, pasi askush nuk mund ta imagjinojë që në një finale të madhe si kjo e Ligës së Kombeve, topi të futet në fushë nga një makinë lodër.

Kujtojmë se Portugalia e mposhti Holandën me golin e shënuar nga Goncalo Guedes në minutën e 60-të, pas një asistimi nga Bernardo Silva. /Telegrafi/

Love Too Live in a world where the Brain Genuis who came up with the idea of having a tiny sponsored car drive the football onto the field to start the Nations League games probably makes 300k a year pic.twitter.com/sNKoKLKbgt

— ཊལབསརངཧ (@David_Rudnick) June 9, 2019