Konferenca e Lindjes në NBA ka një lider të ri dhe është skuadra nga Kanada, Toronto Raptors që është në krye.

Raptors kanë triumfuar si vendas ndaj Charlotte Hornets me pesë diferencë 103-98.

Në tre çerekët e parë Raptors ishin më të mirë se kundërshtarët e tyre dhe siguruan fitoren.

DeMare DeRozan ishte më efikasi tek kanadezët me 19 pikë, tetë asistime e katër kërcime.

Me lojë të mirë u dalluan edhe qendra Valanciunas me 18 pikë dhe alo qendra Ibaka që shtoi 17 të tjera.

Mysafirëve nuk i mjaftuan 27 pikët e Kemba Walker për të shkaktuar befasi.

E me fitoren e arritur ndaj Charlotte, skuadra kanadeze Toronto Raptors ka marrë kreun në Konferencën e Lindjes me 45 fitore dhe 17 disfata.

Me fitore ka vazhduar edhe New Orleans Pelicans që ka marrë të tetën radhazi.

Të udhëhequr nga Jrue Holiday, Pelicans kanë mposhtur Dallas Mavericks thellë 126-109.

Fundori Holiday ishte më efikasi në këtë sfidë me 30 pikë e shtatë asistime.

Paraqitje të mirë patën edhe Anthony Davis që shtoi 23 pikë e 13 kërcime ai dhe Mirotic me 24 pikë e dy asistime. /Telegrafi/

Rezultatet:

Toronto Raptors – Charlotte Hornets 103 – 98

Washington Wizards – Indiana Pacers 95 – 98

Dallas Mavericks – New Orleans Pelicans 109 – 126

Milwauke Bucks – Philadelphia 76ers 118 – 110

Los Angeles Clippers – Brooklyn Nets 123 – 120

Sacramento Kings – New York Knicks 102 – 99