Francesco Totti dhe Topi i Artë, një nga të paktët trofe që nuk arriti ta fitonte, veçanërisht sepse mbeti në një klub me pak suksese si Roma.

Ish-kapiteni i verdhekuqve, në intervistën për Sport ka folur për trofeun prestigjioz që iu dha mbrëmë Lionel Messit.

Megjithatë, legjenda e futbollit italian është shprehur se këtë vit trofeu nuk do ta merrte La Pulga, por një lojtar tjetër.

Bild e quan skandal Topin e Artë që iu dha Messit - Lewandowski e meritoi sipas tyre Bild e quan skandal Topin e Artë që iu dha Messit - Lewandowski e meritoi sipas tyre

“Jemi mësuar të zgjedhim mes Lionel Messit dhe Cristiano Ronaldos, por këtë vit unë trofeun do t’ia jepja Robert Lewandowskit”, deklaroi Totti gjatë intervistës.

“Vetëm shikoni se çfarë ka bërë Lewandowski, shikoni statistikat e tij, golat e tij, ndikimin e tij, atëherë e kuptoni se përse e them këtë”.

Pikët dhe renditja finale e 30-të konkurrentëve për Topin e Artë Pikët dhe renditja finale e 30-të konkurrentëve për Topin e Artë

“Messi është tashmë një lojtar që e ka vendin në histori të futbollit, mirëpo para Robertit, askush se ka merituar – mendimi im”, ka shtuar më tej Totti.

Argjentinasi e fitoi Topin e shtatë të Artë në karrierë, duke u bërë tashmë lojtari që e fiton më së shumti këtë trofe. /Telegrafi/