Kombëtarja e Zvicrës ka arritur me plot meritë në mesin e 16 më të mirave në Kampionatin Botëror Rusia 2018.

Zviceranët të udhëhequr nga futbollistët shqiptarë e lanë mbrapa Serbinë e Kosta Rikën në grup, ndërsa së bashku me Brazilin ecën tutje.

Në 1/8 e finales Zvicra do të takohet me Suedinë dhe mungesa e madhe e zviceranëve është kapiteni Stephan Lichtsteiner.

Kapiteni Lichtsteiner dhe zëvendësuesi i tij Valon Behrami (Getty Images)

Por me shiritin në krah, Lichtsteinerin do ta zëvendësojë mesfushori nga Kosova, Valon Behrami.

Për futbollistin mitrovicas është hera e parë që e mbanë shiritin e kapitenit në një kampionat botëror.

Mesfushori i Udineses ka folur për televizionin shtetëror ku ka thënë se është nder për të që ta mbajë shiritin.

“Është një nder që me jepet mundësia të mbaj shiritin e kapitenit në një Kupë Bote, një shtysë për të dhënë edhe më shumë në fushë”.

“Jam krenar që mbaj të veshur këtë fanellë”, u shpreh Behrami.

Valon Behrami (Getty Images)

Suedia dhe Zvicra takohen në 1/8 e finales ditën e martë me fillim nga ora 16:00.

Kujtojmë se tek Përfaqësuesja e Zvicrës shiritin e kanë mbajtur në ndeshje të caktuara edhe Xherdan Shaqiri dhe Granit Xhaka./Telegrafi/