Tjera skena të pakëndshme mes trajnerëve, Venturato refuzon t’ia japë dorën Inzaghit

Tjetër mosmarrëveshje ndërmjet trajnerëve ka ndodhur në futbollin evropian, kësaj radhe në Serie B të Italisë.

Reggina regjistroi fitore prej 3-1 në udhëtim te SPAL, ndërsa pas fishkëllimës së fundit të gjyqtarit u pa një skenë e pakëndshme.

Skuadra e Filippo Inzaghit e dominoi takimin gjatë gjithë kohës dhe ishte në epërsi prej 3-0 deri në minutën e 79-të kur vendasit e realizuan golin e nderit.

Lexo po ashtu Fillimisht gjatë ndeshjes u konfrontuan, por as pas saj Tuchel dhe Conte nuk u qetësuan - gjyqtari i ndëshkoi dy strategët me kartonë të kuq

Reggina në asnjë moment nuk kishte rrezikuar ta humbte rezultatin dhe në fund arriti të merrte pikë të plotë.

Mirëpo, pas përfundimit të ndeshjes, Inzaghi shkoi drejt trajnerit të SPAL-it, Roberto Venturato, për t’ia dhënë dorën, që është një gjest sportiv pas çdo përfundimi, por homologu i tij vazhdoi drejt tunelit duke refuzuar t’ia japë dorën.

Më pas, Venturato u kthye për t’i thënë diçka Inzaghit, të cilit nuk bëri aspak përshtypje të mirë sjellja e trajnerit të ekipit kundërshtar. /Telegrafi/

The exchange caught on camera between Inzaghi and Venturato 😂 pic.twitter.com/fFgkglgvZH

— Reggina Fans (@regginafans) August 15, 2022