Disa tifozë të UFC-së janë shprehur të pabindur me triumfin e shpejtë të Conor McGregorit ndaj Donald Cerrone, në rikthimin e tij në tetëkëndësh.

Irlandezit të famshëm i mjaftuan 40-të sekonda për ta nokautuar kundërshtarin e tij, mirëpo ka të tillë që mendojnë se gjithçka ishte e montuar.

Conor McGregor rikthehet me fitore në UFC, triumfon me nokaut pas vetëm 40 sekondave ndaj Donald Cerrone Conor McGregor rikthehet me fitore në UFC, triumfon me nokaut pas vetëm 40 sekondave ndaj Donald Cerrone

Për më shumë, edhe ylli i MMA-së, Nate Diaz, e ka etiketuar këtë meç si fals, përkundër se McGregor shfaqi dominim të madh.

(Foto: Steve Marcus/Getty Images/Guliver)

31-vjeçari u kthye në tetëkëndësh pas mungesës 15-muajshe (meçi i fundit ishte ndaj Khabib Nurmagomedov në vitin 2018), ndërsa fitorja në T-Mobile Arena të Las Vegasit ishte e para pas tri vitesh.

Sidoqoftë, triumfi i tij në kuadër të ‘UFC 246’ nuk i ka bindur të gjithë, ashtu që përdorues të shumtë i kanë përdorur rrjetet sociale për të shprehur pakënaqësinë dhe kanë kërkuar kthimin e parave që i kanë paguar për ta shikuar këtë meç.

(Foto: Steve Marcus/Getty Images/Guliver)

Nga ana tjetër, ka edhe të tillë që thonë se nuk ishte e montuar, porse Cerrone nuk ishte në nivelin e McGregor, prandaj ky duel ishte një dështim. /Telegrafi/