Tifozët e Evertonit ‘falënderojnë’ shishen e Jordan Pickford që ua sigurojë mbijetesën në Ligën Premier

Tifozët e futbollit janë të bindur se shishja e ujit e Jordan Pickford është ajo që e shpëtoi Evertonin nga rënia prej Ligës Premier.

Toffees arritën të mbijetojnë në elitën e futbollit anglez me një fitore 1-0 ndaj Bournemouth të dielën falë golit nga Abdoulaye Doucoure.

Rezultati më pas bëri që Leicester dhe Leeds të zbresin në Championship.

Lexo po ashtu Super kompjuteri parashikon top 10 më të mirët e sezonit të ardhshëm në Ligën Premier -zhgënjim për Chelsean dhe Arsenalin

Por, tifozët e Everton besojnë se një moment i rëndësishëm nga fillimi i këtij muaji konfirmoi fatin e klubit disa javë para ditës së fundit.

Më 1 maj, Toffees u përballën me Leicester në një përplasje të madhe për rënie në stadiumin King Power.

Rezultati përfundimtar ishte 2-2, por Pickford i pengoi Dhelprat të fitonin të tri pikët me një pritje të shkëlqyer nga penalltia.

Dhe tifozët u vunë re shpejt se 29-vjeçari kishte përdorur shishen e tij të ujit – e cila kishte udhëzimet se nga mund të gjuajnë lojtarët e Leicesterit.

Një person shkroi në Twitter: “Faleminderit Zotit për shishen e ujit të Pickford!”.

Lexo po ashtu Përfundon sezoni 2022/23 në Ligën Premier: Kush e siguroi vendin në Evropë dhe kush ra në Championship

Një tjetër shtoi: “Shishja e ujit e Jordan Pickford e rrëzoi Leicesterin”.

Leicester fitoi 2-1 ndaj West Hamit në ditën e fundit të sezonit, por rezultati nuk ishte i mjaftueshëm për t’i larguar ata nga zona e rënies. /Telegrafi/