Thirrjet e Nënave kanë mbajtur sot tryezën “Dy dekada ankth e pritje – zbardhja e fatit të të pagjeturve, peng i bisedimeve Kosovë-Serbi”. Aty u tha që është koha e fundit të zbardhet fati i personave të pagjetur. Familjarët kërkuan nga institucionet përgjegjëse, vendore e ndërkombëtare që të vendosin kushte për Serbinë.
Kryetarja e shoqatës “Thirrjet e Nënave”, Nysrete Kumnova tha se nuk e kanë të lehtë që 20 vjet të bredhin rrugëve dhe të trokasin në secilën derë për t’i treguar botës krimet makabre që kanë ndodhur.
Ajo tha se adresa dihet, është Serbia, e cila siç tha ajo i ka të dokumentuara me emër e mbiemër secilin të zhdukur.
“Ku ka ma keq se në shtëpinë tënde mos me qenë e qetë, kriminelët na rrëmbyen më të dashurit tanë pa dallim moshe e gjinie, i rrëmbyen i vranë e i zhdukën”, tha Kumnova.
Ajo pati një kërkesë për institucionet.
“Nëse ju nuk mund të vendosu kushte në bisedime, na lini ne familjarët të marrim pjesë në bisedime dhe t’ia themi troç Serbisë”, tha ajo.
Kumnova tha se janë të indinjuar duke pritur tash e 20 vjet.
“Jemi shumë të indinjuar, të saktësuar 20 vjet, 20 vjet shpija thatë, shtrati thatë, pa fëmijë, e vështirë, kemi shumë nëna që kanë humbur krejt familjen në Gjakovë ski, janë krejt ka 4,5,6 të arrestuar e të zhdukur”, tha ajo.
E Jahja Lluka, këshilltari i kryeministrit në detyrë, Ramush Haradinaj tha se nuk kanë se me çka të lavdërohen në këtë proces.
“Nuk kemi me çka me u lavdu, është arritur një sukses në zbardhjen e fatit më i cilit regjion, po është gabim me quajtur sukses derisa i kërkojmë edhe 1666, nuk mundemi me u krekosë”, tha ai.
Lluka tha se gabimi është bërë në Bruksel që është biseduar për tema të tjera e jo për të pagjeturit.
“Gabimi është bërë në Bruksel, nuk është dashtë me biseduar për disa tema e janë kryer me përfundimin e luftës? Kosova e ka fituar lirinë, është deshtë me bisedu për dëmet e luftës, për të zhdukurit”, shtoi Lluka.
Ai tha se dihet ku janë njerëzit e zhdukur.
Sipas tij, Serbia nuk është e interesuar të zbardh fatin e personave të pagjetur.
E koordinator për çështjen e personave të zhdukur për Ballkanin perëndimor, Fabiano Bourdier tha se në vitet e fundit në Kosovë dhe gjithë rajonin ka më pak rezultate në gjetje.
“Përpjekja e përbashkët duhet të vazhdojë sepse ka më shumë se 10 mijë persona të pagjetur në Ballkanin Perëndimor. Fatkeqësisht në 5-7 vitet e fundit në Kosovë dhe gjithë rajonin gjithnjë e më pak familjet marrin përgjigjet për fatin e më të dashurve, si mungesë e informacioneve, gjë që rezulton me më pak gërmime”, tha ai.
Kryetari i Komisionit Qeveritar për Persona të Pagjetur, Prenk Gjetaj tha se qëllimi kryesor i institucioneve duhet me qenë, kërkimi, gjetja, identifikimi dhe dorëzimi i mbetjeve mortore në mënyrë që familja të përfundojë ankthin e dy dekadave.
“Komisioni ka bërë përpjekje që në ketë proces të koordinojë aktivitetet me të gjitha institucionet, që politika ta ndihmojë e ta mbështesë jo ta politizojë çështjen”, tha ai.
Para familjarëve të të pagjeturve ka folur edhe Arsim Gërxhaliu nga Mjekësia Ligjore, i cili tash e dy dekada punon në këtë çështje.
Ai tha se para institucioneve qëndron një punë e madhe.
“Duhet të kërkohen rastet që nuk e dimë ku i kemi. Po flas për aspektin e mjekësisë ligjore, ku mund të them një lajm të mirë që javën e kaluar përfundoi procesi i pastrimit dhe konservimit të rrobave. Të njëjtat janë të paketuar në lokacionet që i ka gjetur komisioni qeveritar, zotëri Lluka”, tha ai.
Ftesës së nënave gjakovare nuk i është përgjigjur shefja e zyrës së BE-së në Kosovë, Natalia Apostolova, me arsyetimin se ka tjetër agjendë për sot./kp/Telegrafi/
Promo
Reklamo këtuLufta Prigozhin - Putin
Më shumëNga Rubrika
Xhaferi-Lapsli: Maqedonia e Veriut është një anëtare e çmuar e Aleancës që është e përkushtuar në zhvillimin e kapaciteteve të saj mbrojtëse
Komuna e Deçanit fiton të drejtën për shfrytëzimin e tokave në Parkun Kombëtar “Bjeshkët e Nemuna”
Norvegjia i dhuron ushtrisë së Maqedonisë së Veriut 76 automjete
Djegia e shtëpisë dyshohet të jetë shkaktari i vrasjes së djeshme në Pejë – viktima dhe i dyshuari ishin miq
KSHZ pas numërimit të 99.85% të votave, Osmani 13.36%, Taravari 9.21%
U arrestua për sulm fizik ndaj një vozitëse dhe kanosje ndaj vozitësit tjetër, Policia jep detaje të rastit në Prishtinë
Fitim Doda ndalohet për vrasjen në tentativë në rrugën 'Haxhi Zeka', prokuroria kërkon paraburgim
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën