Një femër ka informuar se një person ka tentuar me forcë ta fusë në veturë.
Sipas raportit të Policisë së Kosovës, ngjarja ka ndodhur të hënën rreth orës 15:35 në rrugën “Çeta e Llapit”, në Prishtinë.
Tutje në raport, bëhet e ditur se pasi kanë ardhur babai dhe vëllai, i dyshuari me pistoletë i kishte kërcënuar dhe më pas ishte larguar.
“Viktima femër kosovare ka informuar se i dyshuari mashkull kosovar, ka tentuar me forcë të futë në veturë. Pasi kanë ardhur babai dhe vëllai i viktimës, i dyshuari me pistoletë i kishte kërcënuar dhe më pas ishte larguar. I dyshuari gjendet në arrati”, thuhet në raport. /Telegrafi/
