Ten Hag thyen heshtjen dhe i përgjigjet akuzave ndaj Overmars pas largimit të legjendës holandeze nga Ajaxi

Erik ten Hag  ka shprehur ngushëllimet e tij më të thella për ‘viktimat’ e legjendës së turpëruar, Marc Overmars, pasi ish-drejtori i futbollit të Ajaxit  dërgoi ‘mesazhe të papërshtatshme’ ndaj disa punonjëseve femra.

Ajaxi njoftoi të dielën se Overmars, 48 vjeç, ishte larguar nga roli i tij me ‘efekt të menjëhershëm’ pasi klubi u trondit nga akuzat e disa femrave që punojnë në klub.

Overmars u emërua drejtor sportiv në vitin 2012 dhe kishte nënshkruar një kontratë të re dhjetorin e kaluar, e cila do ta mbante Overmars në Ajax deri në vitin 2026.

Duke folur pas fitores 5-0 të Ajaxit ndaj Vitesses në Kupën e Holandës të mërkurën, Ten Hag pranoi se ishte i dëshpëruar për skandalin që përfshin Overmars.

Menaxheri i Ajaxit, i  cili ka qenë i lidhur me Manchester United, zbuloi se ishte “plotësisht i habitur” kur dëgjoi për herë të parë lajmet rreth legjendës holandeze.

“Unë jam mirë… kemi pasur ditë tepër të këqija, sigurisht. Isha krejtësisht i habitur kur e dëgjova. Kjo është katastrofike. Sidomos për viktimat: gratë”, ka thënë fillimisht Ten Hag për ESPN.

“E kam të vështirë me vuajtjet që u janë shkaktuar. Secili e përpunon këtë në mënyrën e vet. Më pas tërhiqem pak dhe jam pak më i qetë se zakonisht. Si trajner, natyrisht duhet të rrezatosh energji, por kjo ishte e vështirë ditët e fundit”.

Erik ten Hag reageert voor het eerst op het nieuws rondom Marc Overmars.

“Dit is gewoon rampzalig, met name voor de gedupeerden” pic.twitter.com/o63EtEqIDm

— ESPN NL (@ESPNnl) February 9, 2022

Overmars, i cili gëzonte një karrierë të bujshme në Ajax, u akuzua për dërgimin e një ‘serie mesazhesh të papërshtatshme për disa kolege femra’.

Ten Hag, 52 vjeç, ndau një marrëdhënie të ngushtë me ish-drejtorin e futbollit të Ajaxit pasi mbërriti në klubin e Eredivisie në vitin 2017.

Holandezi këmbënguli se “mendimet e tij të para” janë me gratë që “vuajnë”, pavarësisht se pranoi se dikush mund të simpatizojë Overmarsin.

“Kjo është arsyeja pse godet fort. Sigurisht, ju mund ta simpatizoni atë. Por, mendimet e para shkojnë tek vuajtja e grave. Na prek të gjithëve deri në thellësi të shpirtit tonë”, përfundoi trajneri i Ajaxit.

Ndryshe, Overmars lëshoi ​​një deklaratë në faqen zyrtare të Ajax-it, ku pretendonte se i vinte “turp” për veprimet e tij dhe se si sjellja e tij ishte “e papranueshme”. /Telegrafi/