Tammy Abraham është transferuar gjatë afatit kalimtar të verës te Roma nga Chelsea.

Gjiganti italian pagoi një shumë rekorde për klubin prej 40 milionë eurove për transferimin e sulmuesit shtatlartë.

24-vjeçari është transferuar me bujë në Olimpico, por përkundër ndeshjeve shumë të mira, nuk ka shënuar shumë gola.

Në 12 takime në Serie A, Abraham ka realizuar tre gola dhe ka asistuar në dy të tjerë, ndërsa në katër ndeshje të Ligës së Konferencës ka realizuar dy gola të tjerë.

Gjithsesi mediat në Itali po e quajnë anglezin si sulmuesin më të pafat këtë edicion në Serie A, pasi shtatë nga goditjet e tij janë ndalur nga shtyllat.

Reprezentuesi i Anglisë ka goditur shtyllën katër herë në elitën e futbollit italian Serie A.

Ndërkohë fati i keq e ka ndjekur anglezin edhe në Ligën e Konferencës, ku ka goditur tri herë shtyllën.

Në rast se shtyllat e goditura do të futeshin brenda në portë, atëherë Abraham do t’i kishte 12 gola.

Gjithsesi sulmuesi anglez po bën ndeshje të mëdha dhe vetëm golat po i mungojnë. /Telegrafi/