‘The Sun’ shkruan për historinë e familjes së Rita Orës: U larguan nga Kosova kur Millosheviç po bënte gjenocid mbi popullin shqiptar

Me kalimin e viteve Rita Ora është bërë një emër i njohur falë karrierës së saj si këngëtare dhe yll i televizivionit.

Por disa fansa mund të mos e dinë historinë e saj të pabesueshme familjare, e cila përfshin arratisjen nga vendi i saj i lindjes si fëmijë.

Ky ka qenë përshkrimi që tabloidi britanik The Sun, i ka bërë së fundmi artistes shqiptare duke elaboruar historinë e saj dhe vendin e origjinës.

Kush janë prindërit e Rita Orës?

Rita Ora ka lindur më 26 nëntor 1990 nga prindërit Besnik dhe Vera Sahatçiu.

Babai i saj raportohet se është pronar i një pijetore në Londër dhe ka studiuar më parë për ekonomi.

Lexo po ashtu Nga 'Ferrari' e deri te 'Mercedes' - Flota milionëshe e veturave super luksoze të Rita Orës

Çifti kanë tre fëmijë së bashku – Elenën, Ritën dhe Donin.

Ndërkohë, nëna e saj Vera është një psikiatre që punon për NHS (Shërbimi i Shëndetit Kombëtar në Mbretërinë e Bashkuar).

Ajo u thirr në vijën e parë të frontit gjatë përphapjes së madhe të pandemisë së coronavirusit në pranverën e vitit 2020.

Vera tha: “Për shkak të presionit mbi NHS-në, do të më kërkohet të shkoj në vijën e parë për të ndihmuar ekipin emergjent dhe departamentet e tjera”.

“Është një kohë shumë e rrezikshme dhe jo të gjithë janë të sigurt dhe qëndrojnë në shtëpi, pasi ne jemi të mbingarkuar me pacientë që vijnë dhe i vënë të gjithë në rrezik”.

Lexo po ashtu Bashkëshorti i Rita Orës, Taika Waititi tregon tatuazhin e ri që ka realizuar në dedikim për artisten shqiptare

Vera iu nënshtrua një mastektomie në vitin 2005 pasi u diagnostikua me kancer gjiri në moshën 39-vjeçare.

Njerëzit shpesh kanë komentuar se sa shumë ngjajnë Rita dhe mamaja e saj.

Nga është Rita Ora?

Rita ka lindur në Prishtinë të Kosovës (Ish-Jugosllavi në kohën kur lindi këngëtarja), me të dy prindërit me prejardhje shqiptare.

Ajo kaloi vitin e parë të jetës së saj në një banesë të vogël në Kosovë para se prindërit e saj të iknin nga persekutimi dhe zhurmat e luftës dhe gjenocidit.

Lexo po ashtu Rita Ora ngjitet e dyta në listën e artistëve më të dëgjuar të muajit në Spotify

Kosova atëherë ishte pjesë e Jugosllavisë dhe diktatori brutal Slobodan Millosheviç po fillonte shtypjen e tij ndaj shqiptarëve etnikë si familja e Ritës.

Për t’i shpëtuar kësaj, familja u transferua në Mbretërinë e Bashkuar kur ajo ishte një vjeç.

Çfarë ka thënë Rita Ora për prejardhjen e saj?

Në prill të vitit 2020, Rita foli për “shpëtimin nga persekutimi serb” ndërsa familja e saj iu bashkua miliona shqiptarëve të tjerë që u arratisën nga vendi gjatë një lufte dhjetëvjeçare.

Ajo e viziton Shqipërinë dhe Kosovën sa më shpesh që të mundet, madje është emëruar ambasadore nderi e Kosovës në Ambasadën e Londrës në vitin 2015.

Lexo po ashtu Rita Ora dhe Bebe Rexha vazhdojnë të mbesin mike të mira, takohen dhe mbështesin njëra-tjetrën në Los Angeles

Në vitin 2016, Rita pranoi se shpesh ngatërrohet për pamjen e saj dhe njerëzit e përziejn me etni të tjera shkaku  ingjyrës së lëkurës, e cila është pak më e errët.

Një gazetar i ishte referuar këngëtares duke i thënë: “Mendova se ishe gjysmë e zezë dhe gjysmë e bardhë, apo diçka e tillë?”.

Dhe Rita ishte përgjigjur: “Zakonisht të gjithë e bëjnë. Mund të jem edhe unë. Por jo, unë jam shqiptare”. /Telegrafi/