Përdorimi i shtuar i internetit të brezit të gjerë është një trend pandemik që është këtu për të qëndruar edhe pasi pandemia të kalojë, argumentojnë analistët dhe drejtuesit e telekomit, raporton TechSpot.

Përdorimi i internetit të brezit të gjerë u rrit me 40% gjatë vitit të kaluar, niveli më i lartë vjetor i rritjes në gati 10 vjet, thuhet sipas të dhënave të reja nga OpenVault.

Kërcimi masiv i përdorimit i atribuohet njerëzve që kalojnë më shumë kohë në shtëpi me pajisjet e tyre, kryesisht transmetimin e videove.

“Ne parashikojmë që deri në dhjetor 2021, konsumi mesatar i internetit të brezit të gjerë për familje do të jetë rreth 600-650 gigabajt”, thotë Mark Trudeau, themelues dhe CEO i OpenVault, një ofrues i zgjidhjeve të të dhënave dhe analizave të internetit me brez të gjerë.

Kjo është mbi gjashtë herë më shumë se niveli mesatar i konsumit të internetit që nga viti 2015.

Qasja në internet me shpejtësi të lartë u bë thelbësore për shkollat dhe punën gjatë pandemisë, ndërsa ligjvënësit dhe administrata e Presidentit Biden e kanë cilësuar atë si një pjesë kryesore të infrastrukturës së vendit.

Kongresi amerikan do t’u japë familjeve me të ardhura të ulëta një subvencion mujor prej 50 dollarëve për shërbimin e internetit.