Spektakël me gjashtë gola të shënuar në Wembley, Anglia dhe Gjermania ndahen në paqe

Ndeshje spektakolare është zhvilluar në Wembley mes Anglisë dhe Gjermanisë që në fund ka përfunduar me rezultat baras 3-3.

Ka qenë një ndeshje fantastike për adhuruesit e futbollit, por që në fund nuk pati fitues.

Pjesa e parë përfundoi ashtu siç filloi me rezultat të bardhë o-0, përkundër rasteve të mira që patën dy skuadrat.

Ndërkohë pjesa e dytë ishte e zjarrtë me gjashtë gola të shënuar me gjermanët që kaluan të parët në epërsi në minutën e 52-të.

Ilkay Gundogan u tregua i saktë nga pika e bardhë për t’i dhënë gjermanëve epërsinë 0-1.

Mysafirët nuk u ndalen dhe gjetën golin e dytë, kur Kai Havertz realizoi një gol spektakolar nga distanca për ta dyfishuar epërsinë.

Por vendasit nuk u dorëzuan dhe brenda tre minutave barazuan gjithçka në këtë sfidë.

Superb. pic.twitter.com/65TOkXIrMt

— England (@England) September 26, 2022

Luke Shaw shfrytëzoi një asistim nga Reece James për të shënuar nga afërsia për 1-2 në minutën e 72-të.

Tre minuta më vonë, Bukayo Saka asistoi për Mason Mount i cili barazoi shifrat në 2-2.

Anglezët bën përmbysjen e madhe në minutën e 83-të, kur Harry Kane realizoi nga penalltia për epërsinë e parë të ‘Tre Luanëve’.

90 + 6 Min. ✔️

Die Punkte werden geteilt. 🤝

3:3 #ENGGER | 📸 DFB/Philipp Reinhard pic.twitter.com/LJoRahm9Xx

— DFB-Team (@DFB_Team) September 26, 2022

Por gëzimi në Wembley zgjati vetëm katër minuta, pasi Kai Havertz shënoi sërish për rezultatin përfundimtar 3-3.

Kësisoj anglezët përkundër këtij barazimi bien në Ligën B pasi janë të katërtit në grup me tri pikë, derisa gjermanët e mbyllën në vendin e tretë me shtatë sosh. /Telegrafi/