Antonio Conte do të drejtojë sot për herë të parë Tottenham Hotspur në ndeshjen e Ligës e Konferencës.

Vitesse Arnhem do të jetë kundërshtari i tij i parë, me skuadrën holandeze që ka mbërritur në Londër për ndeshjen e fazës së grupeve të Ligës së Konferencës që do të zhvillohet në stadiumin e Tottenham.

Conte ka dy ndeshje radhazi – kjo ndaj Vitesses dhe ajo në udhëtim ndaj Everton të dielën – për të filluar pastaj punën e vërtetë në pushimin e kombëtarave.

Sot ai ka dal në stërvitje me skuadrën edhe pse pas dite do të zhvillojnë ndeshje.

Si mund të rreshtohen Spurs

Si në Chelsea ashtu edhe në Inter, formacioni i tij ishte 3-5-2, dhe do të jetë interesante të shihet nëse ai do të bëjë këtë edhe kundër Vitesse .

Harry Kane ka luajtur shumicën dërrmuese të karrierës së tij si një sulmues i vetëm në formacione 4-3-3 ose 4-2-3-1, por Son Heung-min ka luajtur si sulmues ndihmës për pjesën më të madhe të kësaj kohe dhe ai mund të luajë në sulm me Kane nën drejtimin e Conte.

Më tej, mbetet të shihet se a do të luajnë Dele Allin dhe Harry Winks, pasi me Jose Mourinhon dhe Nuno Espirito Santon ata nuk luanin.

Pierre-Emile Hojbjerg mund të luajë rolin e Nicolo Barellas.

Në anën e pasme, Sergio Reguilon pritet të jetë i majtë, ndërsa Emerson Royal i djathtë.

Conte ka shumë opsione në qendër të mbrojtjes. /Telegrafi/