Andrea Pirlo i nevrikosur i ka goditur disa shishe në afërsi të bankës së Juventusit, pas huqjes komike të Alvaro Moratas në ndeshjen kundër Atalantas.

Sulmuesi spanjoll nuk arriti të shënonte në një gol të zbrazët, 15 minuta pasi kishte nisur ndeshja, porse situata nuk qe shumë e qartë.

Ish-sulmuesi i Real Madridit pranoi një pasim nga Weston McKennie dhe shkoi drejt portës, fillimisht duke pasuar te Cristiano Ronaldo.

(Foto: Screenshot/Twitter/SkySports)

Superylli portugez nuk u gjend në situatë të mirë, duke qenë se Berat Gjimshiti e bllokoi, por topi u kthye sërish te Morata, i cili e kishte portën e zbrazët.

Reklama
Momentet më të mira në ndeshjen Juve-Atalanta: Spikat thembra e Moratas dhe penalltia e humbur e Ronaldos Momentet më të mira në ndeshjen Juve-Atalanta: Spikat thembra e Moratas dhe penalltia e humbur e Ronaldos

Mirëpo, ai zgjodhi të godiste me thembër dhe goditja shkoi keq, ndërsa topi përfundoi jashtë portës.

Trajneri Pirlo reagoi furishëm, mirëpo edhe në rast se do të shënonte, sistemi VAR me gjasë do ta kishte anuluar golin për pozitë jashtë loje. /Telegrafi/

Reklama