Si Lucas Paqueta dhe Luiz Henrique i bënë me para miqtë e tyre në Brazil: Të dy morën karton të verdh në të njëjtën ditë – rasti po hetohet

Mesfushori i West Ham, Lucas Paqueta është duke u hetuar nga FA për shkelje të mundshme të basteve, duke stopuar transferimin e tij te Manchester City, që ishin të gatshëm të ofron deri në 80 milionë euro për kartonin e tij.

Interesi i kampionëve të Ligës Premier për lojtarin u rrit pas një dëmtimi të Kevin De Bruyne kundër Burnley dhe mungesa pritet të jetë e gjatë.

Megjithatë, të premten doli se bisedimet për transferimin e tij kanë dështuar për shkak të çështjeve ‘konfidenciale’. Më vonë u raportua se braziliani është subjekt i një hetimi të FA lidhur me akuzat për baste në futboll.

Sipas gazetës braziliane Globo, hetimi përqendrohet rreth një basti të vënë në ndëshkimin e 25-vjeçarit në barazimin 1-1 të Ëest Ham me Aston Villan më 12 mars.

Paqueta mori një karton të verdhë në minutën e 70-të pasi ndërhyri në John McGinn.

Sipas mediave braziliane, shumë llogari u hapën në Brazil nga njerëz të besuar duke vënë baste në kartonin e verdhë të Paquetas dhe sulmuesit të Real Betis, Luiz Henrique, gjë që ndodhi.

Video of the yellow card Lucas Paquetá had allegedly placed a bet onpic.twitter.com/0o6fjPO2Uk

— 🌹Niverna✨ (@Niverna_) August 19, 2023

“Analiza fillestare tregoi se atë ditë u krijuan disa llogari të reja në Betway, me bast vënësit që depozitonin shumën maksimale të lejuar”.

“Këto llogari vënë bast për të rritur fitimet vetëm në dy mundësi të bashkangjitura: ata do të merrnin paratë vetëm nëse Paqueta do të merrte karton të verdhë kundër Aston Villas dhe nëse sulmuesi Luiz Henrique i Real Betis, do të merrte një karton kundër Villarrealit, në të njëjtën ditë, më 12 mars”, shkruajnë media braziliane.

Villarreal-Real Betis gjithashtu përfundoi në barazim 1-1, me Luis Henrique që hyri në lojë në pjesën e dytë dhe mori një karton të verdhë.

Daily Mail ka raportuar se hetimi për Paquetan përqendrohet në bastet që janë vendosur në Brazil.

Lojtari ka mohuar se ka qenë pjesë e kësaj skeme ku janë fituar shumë para. /Telegrafi/