Shkumbin Istrefi dhe Vjosa Berisha janë emra të njohur të ekranit në Kosovë.

Shkumbinin e kemi parë në shumë seriale, por mbahet në mend për rolin e ‘Fekës’ te “Kafeneja jonë”, ndërsa Vjosën e kemi parë gjithmonë kë krah të bashkëshortit Fatos Berisha me projekte të ndryshme filmike.

Por, a e keni ditur se Shkumbin Istrefi dhe Vjosa Berisha janë vëlla e motër në jetën jashtë serialeve?! Të ftuar në emisionin “Pasdite” në RTV Dukagjini ata tregojnë kujtime nga fëmijëria e deri te njohja me partnerët.

Si Vjosa edhe Shkumbini kanë jetuar një kohë në Londër. Vjosa tregon se qysh në Londër, Shkumbini ka pasur një lloj kujdesi për të pasi që e priste në metro kur ajo vonë e mbaronte punën “mos po e ngacmon dikush”.

Artistja thotë se pas kthimin në Kosovë kur kishte filluar ta njihte Fatos Berishën, Shkumbini kishte rezervat e tij.

“Pasi e zyrtarizuam lidhjen, Shkumbini u bë shumë shok me Fatosin, por në fillim kishte dyshimet se a është i duhuri”, ka rrëfyer Vjosa.

Nga ana tjetër aktori thotë se ka qenë traditë e shqiptarëve për t’u kujdesur për motrën.

“Nuk e di si qëndron puna tash në këtë raport, por në atë kohë ka qenë diçka e zakonshme të kujdesesh për motrën”, ishin fjalët Shkumbinit. /Telegrafi/