Shkëlqimi i Kroacisë e lë në hije dhe buzë eliminimit Argjentinën e Messit

Argjentina është shumë afër eliminimit nga Kampionati Botëror, Rusia 2018, pasi ka pësuar humbje në takimin e dytë në kuadër të Grupit D nga kombëtarja e Kroacisë me rezultat 3-0.

Në një atmosferë fenomenale të krijuar në stadiumin e Nizhny Novgorodit, u zhvillua ajo që u quajt ndryshe një finale para finales për skuadrën e Lionel Messit, një prej lojtarëve më të mirë që ka njohur historia.

Por, as prezenca shumicë e tifozëve të Argjentinës në stadium e as fakti tjetër i prezencës së një prej më të mirëve që ka njohur historia e futbollit nuk u interesoi kroatëve, të cilët u shfaqën kompakt nga fillimi i takimit dhe me synim të qartë.

Argjentina kishte dominimin në posedim, por rreshtimi fenomenal i Kroacisë duke mos u fokusuar vetëm në një lojtar, bëri që si strukturë të ndalej Lionel Messi dhe bashkëlojtarët e tij.

Acuna pas 22 minutash lojë qëlloi traversën rastësisht pas një harkimi dhe ishte kjo një prej mundësive më të mira të pjesës së parë.

Në pjesën e dytë loja ishte më e hapur dhe presioni rritej për Argjentinën që po kërkonte golin.

Dhe, pikërisht në momentin kur po arrihej piku i dominimit të ekipit të Lionel Messit, erdhi gabimi shokues i portierit Caballero, i cili në tentim për të larguar topin nga zona, asiston te Rebic, i cili nga afërsia me një volej i dha epërsinë kroatëve (53′).

Argjentina hodhi gjithë arsenalin përpara duke inkuadruar edhe Higuainin dhe Dybalan, por gjysmë rastet nuk thyen mbrojtjen fantastike të kroatëve.

Brozovic pas 80 minutash lojë e gjeti të vetmuar Luka Modricin te 16 metërshi, e mesfushori i Real Madridit në stilin e tij me një gjuajtje mjeshtërore shtangu argjentinasit prezent në stadium duke realizuar për 2-0.

Argjentina pa gjasa çoi gjithçka në sulm dhe në një kundërsulm Rakitici shtoi edhe një tjetër gol për 3-0 (90+2′).

Kroacia ka siguruar kualifikimin me gjashtë pikë pas dy ndeshjeve, kurse Argjentina ka një pikë në vendin e tretë dhe tani përballet me Nigerinë që ka zero pikë. Argjentina ka një pikë. Messsi dhe kombëtarja e tij gjenden buzë eliminimit dhe u duhet mrekulli, duke shpersuar në rezultat pozitiv të Nigerisë dhe në ndeshjen e fundit të mposhtë Nigerinë. /Telegrafi/

GOAL!!! WHAT A TERRIBLE MISTAKE FROM WILLY CABALLERO! GREAT FINISH FROM REBIC! #ARGCRO #ARG #CRO #WorldCup pic.twitter.com/9DRK2LYQyr

— FIFA World Cup (@WorIdCupUpdates) June 21, 2018

GOLAZOOOOOO!!!!! LUKA MODRIC TAKE A BOW!!! #ARGCRO pic.twitter.com/PrLIzKPzOd

— FIFA World Cup (@WorIdCupUpdates) June 21, 2018

Goal! Rakitic 3-0 #ARGCRO pic.twitter.com/DDP7Aw0uRT

— Zakariyya YNWA SDMN (@zakiosman786) June 21, 2018