Shëndeti digjital është realitet edhe në Kosovë. Fal Klinikës Digjitale, ju tani mund të konsultoheni me mjekë vendorë dhe ndërkombëtarë, në çdo kohë dhe nga çdo vend – edhe nga shtëpia juaj! Për më tepër, Klinika Digjitale ka filluar të ofrojë kontrolle mjekësore online, EKG dhe auskultim në distancë, ultrazë, transfer të imazherisë, matje të shenjave vitale dhe inovacione tjera të cilat do prezantohen në ditët në vijim.
Teknologjia çdo ditë e më shumë po ndërlidhet me kujdesin shëndetësor. Studiuesit po punojnë pandërprerë për të zbuluar predisponimin gjenetik ndaj sëmundjes së Alzheimerit. Google synon të instalojë sensorë në ambiente banimi për pleq, për të detektuar rrëzimin e tyre, si dhe që përmes telefonit inteligjent të masë nivelin e hemoglobinës dhe të diagnostikojë astmën. Nanomedicina është realitet dhe mund të trajtojë kancerin dhe sëmundjet e zemrës duke përdorur nanobotët – pajisjet e imëta për të riparuar qelizat e dëmtuara, për të korrigjuar mangësitë gjenetike, zëvendësuar molekulat e ADN-së dhe zhbllokuar arteriet.
Revolucioni digjital nuk do të ndryshojë vetëm kujdesin që marrim – ai do të ndryshojë edhe mënyrën se si e marrim atë kujdes shëndetësor. Digjitalizimi është duke siguruar infrastrukturën dhe ambientin ku teknologjia dhe kujdesi shëndetësor bëhen një dhe të pandashëm. Trajtimet e specializuara gjithmonë do të jenë të disponueshme edhe për ju, në çdo spital regjional dhe në qendrat e Mjekësisë Familjare. Për shëndetin tuaj, mjeku juaj mundet dhe duhet të punojë me specialistët më të mirë.
Jemi të vetëdijshëm se vala e inovacioneve në mjekësi tejkalon trajtimet aktuale. Tani fokusi është tek ekzaminimi në kohë reale dhe tejkalimi i pritjeve dhe vonesave për trajtimin mjekësor. Pritjet shumëorëshe për vizitë në dhomën e urgjencës ose pritjet disamuajshe për vizitë specialistike së shpejti do të kalojnë në histori dhe do të duken edhe primitive.
Një tregim futuristik: Paramendoni një çip mikroskopik të implantuar tek fëmija juaj gjatë lindjes. Çipi shërben për mbrojtje dhe para fillimit të çdo sëmundje të fëmijës juaj, ky çip dërgon njoftime tek ju dhe mjeku i fëmijës. Menjëherë pas informimit, mjeku përshkruan terapinë bazuar në gjenomin e fëmijës (të përshtatur për të) dhe e dërgon medikamentin tek ju me anë të dronit. Shëndeti juaj po ashtu mund të monitorohet nga sensorët e lidhur me mjekë specialistë në distancë. Para se ju të dyshoni apo vëreni ndonjë simptomë të kancerit apo të udhëtoni në një spital të largët për një skanim me CT ose MRI, nanobotët do mbledhin mostra indesh, do të zëvendësojnë qelizat e dëmtuara me qeliza të shëndosha, do të thithin çdo toksinë në gjakun tuaj dhe eliminojnë ato nga trupi. Edhe babai juaj i moshuar me Parkinson nuk ka më nevojë të dërgohet tek neurologu: nanobotët e brendshëm do shkarkojnë dopaminën në lokacionin e caktuar në trurin e tij. Sigurisht, ky tregim tingëllon i pabesueshëm. Por, kjo nuk do të thotë se nuk është i vërtetë. Këto ide e futuristike mund të duken të çuditshme, sepse truri i njeriut është krijuar për të menduar në raporte lineare derisa teknologjia zhvillohet në shkallë eksponenciale.
Përsëri në të ardhmen: Të paramendojmë disa ide futuristike nga e kaluara jonë. Dukeshin të pamundura për kohën, por sot janë të tejkaluara. Kemi shkuar përtej imagjinatës të viteve të ’70-ta dhe ’80-ta të shekullit XX. E çuditshme, apo jo? Zhvillimi dhe ekzaminimet në mjekësi janë në shkallë eksponenciale. Në vitin 2001, Endoskopia Kapsulare është aprovuar nga Administrata e Ushqimit dhe e Barnave e ShBA-së. Pasi pacienti gëlltit një video kamerë me madhësi pilulash, fotografitë e traktit gastrointestinal dërgohen në një pajisje regjistrimi që mjeku i ekzaminon. Kjo ka ndodhur në vitin 2001. Ku jemi sot? Kemi tejkaluar imagjinatën e vitit 2001. Në të njëjtën mënyrë, disa ide tona të pamundura në lidhje me mjekësinë futuriste mund të jenë veç një procedurë e zakonshme mjekësore. Mbi të gjitha, terapia me shushunjë dhe krimba ka bërë një rikthim befasues: krimbat dhe shushunjat janë klasifikuar nga FDA si pajisja e parë e drejtpërdrejtë mjekësore. E ardhmja na befason në mënyra të shumta.
Ne e dimë një gjë tani: është koha që të gjithë së bashku të krijojmë themelet e shëndetit digjital. Për të adoptuar një program dhe zhvillim të përbashkët digjital, ku kujdesi shëndetësor do të jetë përfitues për të gjithë të interesuarit, duhet të lëvizim të bashkuar – fondet shëndetësore, platformat digjitale, mjekët, klinikat e vogla, si dhe spitalet e mëdha. Shëndeti Digjital ofron kursime të kostos dhe qasje globale në trajtim dhe rezultate më të mira shëndetësore. Duke zhvilluar modele të reja dhe innovative, do të hyjmë në një epokë të re të mjekësisë së avancuar në gjithë globin.
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani ia tha të gjitha në sy Vuçiqit, por një detaj me domethënie i presidentes mori të gjithë vëmendjen
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
“Çka më kanë parë sytë” - Pas largimit nga Big Brother VIP Albania, Jetmir Salaj kërcënon produksionin se do të zbulojë sekrete?
Këshilli i Etikës rekomandon pezullimin e punës së Xhevat Krasniqit nën dyshimin për ngacmim seksual
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj