Forumi Ekonomik Botëror nderoi Shakirën, Forest Whitaker dhe Anne-Sophie Mutter në të përvitshmet Crystal Awards, të zhvilluara në Davos, Zvicër.
Violinistja Anne-Sophie Mutter mori çmimin për lidershipin e saj në sigurimin e mundësive për të rinjtë për zhvillimin e një karriere si muzikantë. Ajo është edhe themeluese e fondacionit të saj. Në fjalën e rastit, Mutter i bëri apel audiencës për t’i dhënë fund urisë në botë.
“Puna e fondacionit tim në mbështetjen e muzikantëve të rinj, qëndron në theksin se qëllimi nuk është vetëm të luajmë mirë një instrument, të praktikohemi me këmbëngulje dhe të japim gjithnjë performanca pa gabime. Nëse ka diçka të tillë. Nëse do të mund të hanim fjalët dhe vendimet, askush nuk do të kishte uri. Ju bëj apel sepse të gjithë ju mund të bëni kontributin tuaj aktiv dhe të rëndësishëm në përmirësimin e situatës së ushqimit në botë. Injoroni thirrjet për më shumë pasuri dhe pushtet. Ndiqni thirrjen e të qenit njeri.”
Kantautorja Sharika gjithashtu mori një çmim për lidershipin e saj në mbështetjen e zhvillimit të hershëm të fëmijërisë. Ajo është gjithashtu Ambasadore e Vullnetit të Mirë në UNICEF dhe themeluese e një fondacioni që i siguron edukim cilësor fëmijëve të disavantazhuar në Kolumbi, ku përfshihen edhe vakte të ushqyeshme, edukim në arte dhe mundësi ekonomike për familjet dhe komunitetet.
“Nuk po them se është e lehtë, por ka një strategji daljeje nga varfëria. Është që ata 250 milionë fëmijë që janë në rrezik, që kanë nevojë për akses në programet e edukimit, të shkojnë dhe të qëndrojnë në shkollë. Duhet të nxisim qeveritë të investojnë më shumë në këto programe. Duhet të investojmë në fushata për ndërgjegjësim publik. Duhet ta bëjmë aksesin ndaj edukimit falas. Dhe duhet të krijojmë një fond për edukimin. Si AIDS dhe Malaria dhe Tuberkuloza kanë fondet e tyre. E di që tingëlloj e vrullshme. E di që mund t’i çmend disa njerëz me këmbënguljen time, por kjo sepse jam e pasionuar. Arsyeja është sepse e kam parë me sytë e mi. E di çfarë edukimi mund të bëjë. Çfarë investimi në edukim mund të bëjë. Mrekulli.”
Në fund, aktori dhe aktivisti social Forest Whitaker gjithashtu mori një çmim për lidershipin e tij në ndërtimin e paqes dhe zgjidhjes së konflikteve. Aktori është themelues dhe shef ekzekutiv i iniciativës për Paqen dhe Zhvillimin. Puna e tij si mbrojtës global i paqes, përqëndrohet në fuqizimin e rinisë si liderë në komunitetet e prekura nga dhuna dhe varfëria.
“Jetojmë në një botë tepër të ndërlidhur, siç e thatë. Dhe akumulimi i dhunës përqark globit ka potencialin të krijojë një atmosferë pafuqie dhe dëshpërimi për të gjithë ne. Duke menduar ‘si ta zgjidhim këtë problem?’ Ti mundesh. Bashkë me të tjerrët. Ka heronj të zakonshëm që gjitashtu punojnë përqark gjithë botës. Ata përpiqen të na ndihmojë. Përpiqen të ndezin flakën e shpresës për të gjithë ne. Për të na bërë të ditur se është e mundur nëse punojmë bashkë. Është e mundur nëse krijojmë aleanca dhe partneritete. Është e mundur të ndryshojmë dinamikën dhe të anojmë peshoren në krahun tjetër. Të përmbushim nevojat e njerëzimit.”
Ceremonia e prezantuar nga Hilde Schwab ka për qëllim të njohë artistët për përkushtimin e tyre ekzemplar në përmirësimin e gjendjes së botës. Përgjatë viteve, më shumë se 80 artistë kanë marrë çmimin Crystal, përfshi këtu Andra Bocelli, Matt Damon dhe Peter Gabriel.
Lufta Prigozhin - Putin
Më shumë"Nuk kanë pasur kurrë vajzë të bukur nga Kosova", një video e Rita Orës po bën xhiron në internet
Betejë me Top Channel, Olsi Bylyku thirret përpara Gjykatës
Shkurte Fejza jep lajmin e madh për nder të 50-vjetorit të karrierës
Luka Modric bleu një apartament luksoz në Zagreb - aty ku pritet të kthehet për të jetuar
Donaldi fluturon me helikopter mbi shtëpinë e BBVA për t'i bërë befasi Romeos, tregon se si duket shtëpia e famshme nga lart
"O Bes Kallaku", reagimi epik i Xhensilës kur fansat i përmendin ish-partnerin në koncert
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre