Santiana: Besoj se publiku më beson për lojën me Bucin, ndjenja kam veç për Lirimin

Tensionet janë në pikën e tyre më të lartë ndërkohë që “Big Brother VIP Kosova” po afron fundin e këtij edicioni, dhe konkurrentët gjysmë-finalistë janë duke u përballur me pyetje të mprehta nga një publik i interesuar për të kuptuar më thellë strategjitë dhe marrëdhëniet brenda shtëpisë.

Santiana, një nga konkurrentët që ka arritur deri në këtë fazë të garës, u pyet rreth besimit të publikut në lojën e saj dhe në marrëdhënien e saj me konkurrentin Bucin.

“Nëse publiku i beson lojës tënde me Bucin?” ishte pyetja e hedhur në tryezë, dhe Santiana u përgjigj me siguri: “Mendoj që publiku do të më besojë, dhe më kanë besuar – s’e di se çfarë mendon publiku”.

Lexo po ashtu Edona James: Kosova më ka gjykuar për një intervistë që e kam dhënë vite më parë, më thoshin 'vare veten, je haram'

Më tej, Santiana doli të sqarojë edhe marrëdhënien e saj me konkurrentët Buci dhe Besi, duke theksuar se kishte një lidhje të fortë me ta por që zemra e saj ishte rezervuar për një tjetër.

“Kimi kam pasur edhe me Bucin e Besin, por kimi ndjenjash kam me personin që e kam jashtë e me të cilin jam në lidhje tash e sa vjet”, shtoi ajo, duke i dhënë fund çdo spekulimi për ndjenjat e saj.

Ndërkohë që garuesit përgatiten për etapat përfundimtare të garës, pyetjet e publikut sjellin në sipërfaqe elemente të pashqyrtuara më parë të lojës dhe karakterit të tyre. /Telegrafi/