Kryetari i Odës Ekonomike të Kosovës, Berat Rukiqi ka thënë se qeveria është duke e vonuar pakon energjente për bizneset pas shfaqjes së pandemisë nga Coronavirusi.

Ai me anë të një shkrimi në Facebook, ka paralajmëruar se, ndërmarrësit e industrisë ushqimore do ta kenë të vështirë t’i sigurojnë mjetet financiare.

“Zyrtarisht janë 12,900 persona të punësuar në sektorin e HORECA-së [industria ushqimore]; të gjithë këta presin pagën e vet, pas 10 ditëve; kosto e pagave bruto në këtë sektor, për një muaj është 3.5 milionë euro; pronarët dhe ndërmarrësit në këtë sektor, këto mjete nuk do t’i kenë në kontot e tyre në fillim të muajit prill; ndërkohë qeveria po vonohet me pakon emergjente”, ka shkruar Rukiqi. /Telegrafi/