LAJMI I FUNDIT:

Rrahmani merr numrin 13 te Verona dhe zbulon ofertat që ka refuzuar

Rrahmani merr numrin 13 te Verona dhe zbulon ofertat që ka refuzuar

Amir Rrahmani javë më parë ka kompletuar transferimin tek skuadra e njohur italiane Verona nga kroatët e Dinamo Zagrebit.

Mbrojtësi i Kosovës ka folur si futbollist i Veronës, duke e cilësuar arritje të madhe në karrierë transferimin tek skuadra verdhekaltër.

Ish-lojtari i Drenicës, Partizanit e Dinamo Zagrebit ka zgjedhur numrin 13 në fanellë dje për këtë ka treguar arsyen.

Rrahmani mund të mos aktivizohet në qendër mbrojtje, futbollisti me role tjera në fushë
Lexo po ashtu Rrahmani mund të mos aktivizohet në qendër mbrojtje, futbollisti me role tjera në fushë

“Po punojmë shumë fort. Të jem këtu në Verona është një arritje e madhe për mua. Seria A është një hap i rëndësishëm për karrierën time. Duhet të shpërblej besimin e drejtuesve. Duhet ta tregoj në fushë se jam në nivelin e duhur për t’i ndalur”, ka thënë fillimisht Rrahmani.

“Kam zgjedhur numrin 13 sepse është numri im i fatit, edhe pse për shumë njerëz është ters”, shtoi ai.

Tutje mbrojtësi i talentuar prishtinas ka thënë se ka refuzuar oferta nga Belgjika dhe Franca për t’u transferuar në Serie A.

“Zgjodha Veronën sepse është një skuadër e rëndësishme, ka fituar edhe kampionatin. Kisha oferta nga Belgjika dhe Franca por preferova të transferohem në Itali. Pika ime e fortë është loja në ajër”.

“Sa i përket skemave, jam i gatshëm të luaj edhe në mbrojtjen me tre, pavarësisht se zakonisht gjatë karrierës kam luajtur më shumë me katër”, përfundoi kapiteni i Kosovës.