Roma mposhtet nga Fiorentina, rezultat që i konvenon Interit dhe Lazios

Roma është mundur në shtëpi nga Fiorentina me rezultat 0-2 në Serie A.

Vendasit ishin dukshëm më të mirë, por ishin mysafirët ata që u treguan konkret para portës kundërshtare.

Goli i parë në takim u shënua nga Marco Benassi në minutën e shtatë të takimit.

Vendasit provuan në vazhdim me Kevin Strootman (10’), Konstatinos Manolas (11”) dhe Edin Dzekos (13’, 27’), por asnjëri nuk arriti të tundë rrjetën e Marco Sportiellos.

Siç thotë ligji i pashkruar i futbollit ‘kur nuk shënon, pëson’, atëherë në skenë doli Giovanni Simeone (39’) dhe mposhti Alisson Beckerin pas një vrapimi të bukur.

Pjesa e dytë ishte më e qet dhe me më pak raste nga të dy anët.

Pas kësaj fitore Roma vazhdon në vendin e tretë me 60 pikë (një më shumë se Interi që të dielën luan ndaj Torinos dhe tri pikë më pak se Lazio që luan kundër Udineses).

Fiorentina ngjitet në vendin e shtatë me 50 pikë, një më pak se Milani.

Ndeshja e ardhshme e Romës është kundër Lazios, pra derbi direkt për një vend që dërgon sezonin e ardhshëm në Ligën e Kampionëve.

Viola në xhiron e radhës do të ketë punë të lehtë ndaj Spalit. /Telegrafi/

#Benassi! #Fiorentina in vantaggio! #RomaFiorentina 0-1 pic.twitter.com/rpyEDtXbfQ

— Alessia N⚽️velli (@Alessia_Nov) April 7, 2018

Giovanni #Simeone! RADDOPPIO DELLA VIOLA! #RomaFiorentina 0-2 pic.twitter.com/Qbac62uK1h

— Alessia N⚽️velli (@Alessia_Nov) April 7, 2018