Roma ka marrë fitoren e tretë në Grupin A të Ligës së Evropës.

Gjiganti italian ka triumfuar në udhëtim te klubi rumun CFR Cluj me rezultat të pastër 0-2.

Roma kishte shumë mungesa për këtë takim, pasi lojtarët si Marash Kumbulla, Chris Smalling, Gianluca Mancini, Ibanez apo Zaniolo munguan shkaku i lëndimeve dhe disa për shkak të COVID-19.

Gjithsesi pjesa e parë përfundoi me rezultat të barabartë 0-0 edhe pse dy skuadrat patën disa raste shënimi.

Roma pjesën e dytë e nisi më mirë, kur në minutën e 49-të kaloi në epërsi.

Harkimin e Jordan Veretout në zonë e devijoi sulmuesi vendas Debeljuh duke kaluar Romën në epërsi 0-1.

Dominimi i Romës vazhdoi edhe më tej, kur Giallorosët fituan penallti në minutën e 66-të.

Ishte mesfushori francez Jordan Veretout që u tregua i saktë nga penalltia për rezultatin përfundimtar 0-2.

Me këtë fitore, Roma vazhdon të prijë në Grupin A me 10 pikë, tri më shumë se Young Boys Bern në vendin e dytë.

Ndeshjen e ardhshme Roma e zhvillon ndaj kampionit zviceran në Olimpico, teksa Cluj pret CSKA Sofjen. /Telegrafi/