I nominuari gjashtë herë për ‘Oscar’, Leonardo DiCaprio, lirshëm mund të thuhet se ka qenë një avokat për diskutimet që ka bërë në lidhje me ndryshimet klimatike dhe për atë se çfarë mund të bëhet në vitet në vazhdim.

Reklama

Në filmin më të fundit të Netflix, “Don’t Look Up”, ai luan rolin e një shkencëtari, i cili e kupton se, edhe pse ka zbuluar se një kometë e madhe po shkon drejt Tokës, publiku i gjerë dhe autoritetet nuk do të bëjnë asgjë për këtë.

Në një edicion të ri të Netflix Film Club, aktori zbërthen karakterin e tij dhe atë që përfaqëson në filmin e tij të fundit.

Reklama

Jennifer Lawrence dhe Leonardo DiCaprio (Foto: Screenshot/Netflix)

DiCaprio e nis duke shpjeguar se “Don’t Look Up”, me pak fjalë, është ‘një analogji e kulturës moderne dhe paaftësisë sonë për të dëgjuar të vërtetën shkencore’.

Reklama

Nëse kjo të godet, ndoshta është për shkak të pandemisë COVID-19, ylli i Hollywoodit e bën të qartë se si njerëzimi përballet me rrezikun e afërt dhe si reagojnë liderët botërorë ndaj tij.

Jennifer Lawrence thotë se xhirimet e “Don’t Look Up” me Leonardo DiCaprion ishin një ferr Jennifer Lawrence thotë se xhirimet e “Don’t Look Up” me Leonardo DiCaprion ishin një ferr

Në film, personazhi i DiCaprios nuk është i vetmi që lutet për mbijetesën e njerëzimit. Atij i bashkohet Kate Dibiasky (Jennifer Lawrence), një studente e Michigan që zbuloi kometën dhe Teddy Oglethorpe (Rob Morgan), kreu i Zyrës së Koordinimit të Mbrojtjes Planetare të Shteteve të Bashkuara.

Reklama

Pretendimet e treshes, megjithatë, priten me skepticizëm nga masmedia, zyra e Presidentit dhe publiku i gjerë, pasi askush nuk dëshiron të dëgjojë lajme të zymta dhe preferon të besojë se gjithçka do të shkojë mirë.

Foto: Screenshot/Netflix

Sipas regjisorit të filmit, Adam McKay, qëllimi ishte të përcillte urgjencën e ndryshimeve klimatike duke i lejuar njerëzit të qeshin, pasi ai mendonte se komedia mund të ndihmonte në unifikimin e pikëpamjeve të ndryshme politike.

Reklama

“Pas pesë deri në 10 vitet e fundit të çmendura që kemi pasur të gjithë në të gjithë planetin, ndjenja ime ishte se ‘Zot, a nuk do të ishte mirë të qeshja me disa nga këto ngjarje’”, ka thënë në vijim McKay.

Reklama

Foto: Screenshot/Facebook

Satira e regjisorit amerikan në anën tjetër u cilësua edhe si një fatkeqësi. Ishte një përpjekje e fundit për t’i bërë qytetarët të kenë interes për fundin e afërt të ditëve tona në Tokë për shkak të krizës klimatike.

Ka të bëjë me vështirësitë për t’i detyruar të pa-interesuarit të kujdesen, në shembullin konkret për një kometë gjigante që po shkon drejt Tokës dhe që njëherësh mund të sjell edhe zhdukjen e njerëzimit.

Leonardo DiCaprio (Foto: Netflix)

Reklama

Në “Don’t Look Up” marrin pjesë edhe yje të tjerë si: Meryl Streep, Jonah Hill, Timothee Chalamet, Cate Blanchett, Mark Rylance, Ariana Grande, Michael Chiklis, Tyler Perry, Ron Perlman, Himesh Patel, Paul Melan Lykeys dhe Paul Guilfoyle. /Telegrafi/