Nëse rokeri i njohur do të kishte pranuar rolin e djaloshit famëkeq T-1000 në Terminator 2, i luajtur nga Robert Patrick, ky film do të dukej krejtësisht ndryshe.
Pak kush e dinë se në këtë film është dashur të paraqitej Billy Idol gjersa këtë informacion e dha aktori Patrick.
Ky i fundit deklaroi se të drejtën që të paraqiten në këtë film e fitoi në saje të një fatkeqësie të rokerit, i cili pësoi atëbotë një aksident me motoçikletë.
Billy Idol (Getty Images)
"Roli i T-1000 ishte i destinuar për Billy Idol. Kam parë figurën e tij kur shkova në Sten Winston, i cili ishte përgjegjës për efekte speciale", tha fillimisht.
"Fatkeqësisht, Billy pësoi një aksident trafiku duke vozitur me motoçikletë, ku theu këmbën, kështu që ishte fizikisht i paaftë për ta bërë atë", tha Robert në një intervistë me Heat Vision.
Theksojmë se filmi është xhiruar para 27 vjetëve, ku në rolin kryesor është paraqitur Arnold Schwarzenegger. /Telegrafi/
