Rita Ora nuk është përjashtuar nga “The Masked Singer”, ajo do të shfaqet me një veshje plot glamur në episodin e fundit të këtij spektakli

Sezoni i dytë i “The Masked Singer” do të përfundojë të shtunën në mbrëmje, me një nga personazhet e famshëm të maskuar që do të kurorëzohet kampion.

Dhe përpara shfaqjes, Rita Ora zbuloi se çfarë do të veshë për paraqitjen e saj të fundit si gjyqtare në programin e të kënduarit në një seri fotografish të realizuara në prapaskenë.

Këngëtarja 30 vjeçare, ishte veshur me një fustan të zi, i cili nxirrte në pah figurën e saj mahnitëse trupore, shkruan DailyMail.

Fustani i David Korma ishte me mëngë deklarate dramatike me detaje të ndërlikuara me rruaza përgjatë vijës së qafës, në përputhje me stilin tipik të çuditshëm të Ritës.

Lexo po ashtu Rita Ora vazhdon të ndëshkohet për thyerjen e rregullave, largohet si gjyqtare nga “The Masked Singer”

Ylli me prejardhje nga Kosova i la flokët e saj bionde të kthyera mbrapa, ndërsa fytyra e saj dukej gjithashtu joshëse me një makijazh të lehtë.

Rita i shtoi shkëlqim të mëtejshëm pamjes së saj me një përzgjedhje të gjerdanëve dhe byzylykëve prej ari.

Ndërsa “The Masked Singer” është xhiruar paraprakisht, Rita është aktualisht ndodhet në karantinë në Australi përpara se të nisë xhirimet e “The Voice” atje, pasi është anëtare jurie në këtë spektakël.

Rita duket se ka një orar të ngjeshur me punë, pasi në fillim të kësaj jave u raportua se do të fluturonte për në Tajlandë për të filluar  xhirimet tjera sapo të përfundonte në shfaqje.

Si dhe duke punuar në karrierën e saj televizive, Rita gjithashtu ka publikuar muzikë të re dhe së fundmi ka fshirë të gjitha postimet e saj në Instagram përpara lansimit të mini-albumit më të ri.

Të premten Rita publikoi një klip të ri në bashkëpunim me artistët David Guetta, Imanbek dhe Gunna.

Pamjet zyrtare të klipit tregojnë Ritën në veshjen tradicionale të Evropës Lindore, duke përfshirë një xhaketë të zezë dhe të artë të qëndisur me dorë.

Rita e ka përshkruar bërjen e videos, në të cilën ajo shfaqet edhe sipër një kali, si ‘më e vështira dhe më emocionuesja’ në karrierën e saj.

Lexo po ashtu Performanca e Rita Orës me veshje kombëtare shfaqet në "billboard"-et gjigante të New Yorkut

Një film i shkurtër i lëshuar në YouTube, i xhiruar në Bullgari, përfshin tri pista nga trashëgimia e përbashkët e dyshes interpretuese – prindërit e Ritës janë shqiptarë ndërsa Imanbek është nga Kazakistani.

Videoja paraqet Ritën të veshur me një veshje tradicionale shqiptare të dizenjuar dhe prodhuar me dorë në Kosovë nga stilisti Valdrin Sahiti.

Ajo tha: “Unë kam realizuar shumë video muzikore deri më tani në jetën time dhe kjo është me të vërtetë videoja muzikore më e vështirë dhe më drithëruese që kam bërë ndonjëherë”.

“Ka shumë vendndodhje, shumë temperatura të ftohta. Unë me të vërtetë dëshiroja të bëja diçka vizualisht unike dhe të krijoja një film fantastik të tokës së mrekullive”.

“Ishte kaq e mahnitshme të ishe në gjendje të përzije të gjitha këto kultura së bashku dhe të dilja me një punë që është një botë më vete”.

Ajo shtoi: “Çdo detaj i filmit ishte planifikuar me përpikëri për të krijuar diçka që ndihet kaq e vërtetë për prejardhjen time kulturore”.

“Xhirimi i filmit në Bullgari më dha një shans për të shfaqur arkitekturën e pabesueshme, peizazhin epik dhe monumentet historike – unë jam aq e ngazëllyer që mund të ndaj bukurinë e kësaj pjese të botës dhe të bëj dedikime për historinë time”. /Telegrafi/