Rita Ora dhe i dashuri Romain Gavras drekojnë me Kate Moss dhe vajzën e saj, Lila Grace në Ibiza

Ajo gjatë ditëve të kaluara është vërejtur duke vrapuar në brigjet e Ibizas me të dashurin e saj të ri, Romain Gavras.

Dhe Rita Ora ishte parë duke shijuar drekën e saj të së dielës në ishullin Balearic me kompani speciale, gjersa u takua me Kate Moss dhe vajzën e saj, Lila Grace.

Këngëtarja, 29 vjeçare, tërhoqi vëmendje në shëtitje pranë partnerit me një fustan saten ngjyrë blu e triko të hapur ngjyrë ari.

Duke u shfaqur atraktive për shëtitjet e saj nëpër rërën e artë, krijuesja e hitit “Hot Right Now” e kombinoi dukjen me një palë syze dielli me ngjyrë trëndafili dhe një kuletë të purpurt.

Me flokët e saj të bardhë të lidhur, ajo shkëlqeu më tej duke shtuar gjerdanë të ndryshëm, rrathë unazash e vathë të llojllojshëm.

Lexo po ashtu Nëna e Ritës, Vera Ora me një tjetër koment komik në fotografitë ‘ngacmuese’ të vajzës së saj

Ndërkohë, supermodelja Kate dukej me plot stil në një palë pantallona të shkurtra të zeza, të cilat ajo i kombinoi me një triko ngjyrë të gjelbër.

Me flokët e valëzuara, superylli zgjodhi një palë syze dielli të veçanta e një çantë krahu për plazh.

Në anën tjetër, vajza 17 vjeçare e Moss mbante një triko të bardhë e xhinse të shkurtra me sandale të zeza.

Ajo kishte vënë një maskë, teksa e shoqëroi nënën e saj në një drekë me artisten shqiptare.

Udhëtimi i Ritës dhe Romain vjen pas zyrtarizimit të lidhjes së tyre fundjavën e kaluar.

Të njëjtit u fotografuan derisa po ktheheshin në shtëpinë e saj në Londër në orët e para të mëngjesit të së shtunës pas një feste.

Përveç Romain, të dashurit e mëparshëm të Ritës ishin: Calvin Harris, Andrew Garfield, Rob Kardashian, Andrew Watt dhe Ricky Hil.

Biondja gjatë karantinës ka qenë duke punuar në muzikë të re, ndërsa gjithashtu ka shijuar kohën me miqtë e saj në fshat. /Telegrafi/