Ricky Martin thyen heshtjen, flet për herë të parë për divorcin nga Jwan Josef

Ricky Martin ka folur për divorcin e tij nga Jwan Josef, duke thënë se vendimi për t’i dhënë fund martesës së tyre nuk ishte “i fundit”.

Krijuesi i hitit “Livin’ La Vida Loca”, 51 vjeç, muajin e kaluar njoftoi se ai dhe Yosef, 38 vjeç, janë duke u ndarë pas gjashtë vitesh martesë.

“Kur publiku e mori vesh, ne kishim kaluar tashmë një proces të vështirë”, tha Martin për Telemundo.

“Jwan dhe unë do të jemi gjithmonë familje”, tha ai. “Ne kemi dy fëmijë që do t’i rrisim së bashku dhe ky nuk është një vendim i fundit. Ne e kemi planifikuar këtë situatë për një kohë të gjatë, është para pandemisë”.

Lexo po ashtu Ricky Martin kërkon kujdestarinë e përbashkët të dy fëmijëve të tij në divorcin nga Jwan Yosef

“Ne shikojmë njëri-tjetrin në sy dhe buzëqeshim, përqafojmë njëri-tjetrin, kalojmë ulje-ngritjet, qajmë së bashku dhe qeshim së bashku”, tha ai, duke shtuar se dyshja janë në marrëdhënie të mira.

“Ishin shtatë apo tetë vjet [me Jwan]. Dua të kaloj mirë, dua ta shijoj jetën… Le ta marrim lehtë, por po, e shoh veten në një marrëdhënie tjetër”, vazhdoi krijuesi i hitit “She Bangs”.

“Nuk po flas për të ardhmen e afërt, por më pëlqen të jem i dashuruar, më pëlqen të jem në një lidhje”, thekson ylli latin.

Martin muajin e kaluar renditi “dallimet e papajtueshme” si arsye për divorcin dhe tani po kërkon kujdestarinë e përbashkët të fëmijëve të çiftit; vajza Lucia, katërvjeçe dhe djalit, Renn, trevjeç.

Ricky tha më tej se procesi i divorcit të çiftit ka qenë “shumë më i lehtë” nga sa prisnin.

View this post on Instagram

A post shared by Ricky Martin (@ricky_martin)

Ish-çifti njoftuan për fejesën në 2015, gjersa u martuan në vitin 2017. /Telegrafi/