LAJMI I FUNDIT:

Reja: E di si do të luajë Hungaria, shpresoj të bëj zgjedhjet e duhura

Reja: E di si do të luajë Hungaria, shpresoj të bëj zgjedhjet e duhura

Trajneri Edi Reja doli në konferencën e zakonshme për shtyp në prag të ndeshjes me Hungarinë.

Ai ndër të tjera theksoi se kuqezinjtë janë në gjendje mjaft të mirë psikologjike dhe do të provojnë të marrin një tjetër fitore për të blinduar vendin e dytë.

Sa besoni në një tjetër rezultat pozitiv në Hungari?
Jemi duke kaluar një moment mjaft të mirë dhe renditemi të dytët në grup, vend që duam ta mbajmë deri në fund. E dimë vështirësinë e përballjes me Hungarinë, por vetëbesimi është mjaft i lartë në skuadrën tonë, ndaj jemi këtu për të bërë një ndeshje të madhe dhe për të qëndruar në vendin e dytë.

Keni pasur më tepër kohë për të përgatitur ndeshjen. A e keni vendosur formacionin, apo keni ende dyshime?
Kam disa dyshime dhe kemi edhe një stërvitje tjetër nesër, kur edhe do të vendos për formacionin. Kam një ide në kokë, por kam edhe dyshime, të cilat do t’i shuaj pasi të verifikoj edhe njëherë gjendjen fizike të lojtarëve. E rëndësishme është që kushdo të luajë, do të japë maksimumin, pasi këtë kërkoj nga lojtarët.

A mendoni se do të shihni të njëjtën Hungari me atë të para një muaji?
Duke njohur trajnerin Rossi, besoj që ata do të kërkojnë të marrin kontrollin e ndeshjes dhe të mos na lejojnë t’i godasim në kundërsulm. Sigurisht që duke luajtur në shtëpi, ata do të bëjnë diçka më shumë, por për të bërë më shumë, duhet të zhbalancohen dhe ne duhet të përfitojmë nga hapësirat që do të na krijohen. Duhet të jemi të zgjuar për të shfrytëzuar çdo hapësirë dhe rast që na jepet, për të ndëshkuar kundërshtarin.

Më mirë me Bajramin pas dy sulmuesve, apo një mesfushor me tipare më defensive?
Uroj të bëj zgjedhjen e duhur, pasi siç e thashë, do të vendos vetëm nesër paradite. Bajrami ka aftësi shumë të mira, sidomos në aspektin sulmues, por ekipi duhet të jetë në ekuilibër në çdo repart dhe të jetë gati t’i përgjigjet kundërshtarit në çdo situatë.

A mendoni se ndeshja mund të vendoset nga një gol, siç tha trajneri Rossi?
Si ne, edhe Hungaria, jemi shumë të organizuar në aspektin mbrojtës dhe i jap të drejtë trajnerit Rossi, që tha se ai që do të shënojë, do ta ketë më të lehtë të mbrojë rezultatin. Shpresoj që të gjejmë ne golin të parët.

Cila është më e vështirë, ndeshja me Hungarinë apo ajo me Poloninë?
Ndeshja e radhës është gjithmonë më e vështirë dhe sigurisht që mendojmë vetëm për takimin ndaj Hungarisë. Pasi të kalojmë këtë ndeshje me sukses, do të kemi kohë të mendojmë edhe për takimin e radhës. Për momentin kemi një ndeshje vendimtare këtu dhe duam të marrim rezultat pozitiv.

Në trend Sport

Më shumë
“Ky ishte afati im”, Xabi Alonso konfirmon zyrtarisht vendimin për të ardhmen

“Ky ishte afati im”, Xabi Alonso konfirmon zyrtarisht vendimin për të ardhmen

Bundesliga
Liga Premier mund të marrë gjashtë vende në Ligën e Kampionëve sezonin e ardhshëm

Liga Premier mund të marrë gjashtë vende në Ligën e Kampionëve sezonin e ardhshëm

Liga e Kampionëve
Arsenali identifikon sulmuesin 24-vjeçar si nënshkrimin e parë të verës

Arsenali identifikon sulmuesin 24-vjeçar si nënshkrimin e parë të verës

Premier League
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Anis Mehmeti vendimtar, shënon supergol në fitoren ndaj Leicester Cityt

Anis Mehmeti vendimtar, shënon supergol në fitoren ndaj Leicester Cityt

Ligat tjera
Kalo në kategori