Regjistrimi në shkolla të mesme të Maqedonisë për herë të parë me aplikim elektronik

Për herë të parë sivjet është mundësuar aplikim elektronik për regjistrim në shkollat e mesme në vend. Aplikimi i nxënëse do të jetë përmes likut në portalin për shërbime elektronike të Ministrisë së Arsimit dhe Shkencës (MASH) https://e-uslugi.mon.gov.mk me paralajmërim special për nxënësit e shkollave të mesme përmes llogarive personale shfrytëzuese në schools.mk.

Nga MASH thonë se qëllimi i shërbimit të ri digjital është optimizimi i procesit të plotë të regjistrimeve në shkollat e mesme dhe se aplikimi elektronik nuk do t’u marrë më shumë se 5 deri në 10 minuta.

Në periudhën e theksuar derisa sistemi për aplikim është i qasshëm për nxënësit, ata do të mund të kryejnë azhurnim, ndryshim dhe plotësime të aplikimeve të tyre dhe të kenë inspektim në numrin e përgjithshëm të pikëve nga suksesi, pa pikë nga diploma. Vërtetimi i diplomës dhe futja e pikëve nga diplomat e kryejnë komisionet nga shkollat e mesme.

Nëse nxënësit deri më 15 qershor të vitit 2022 nuk kanë marrë ende certifikatën për klasën e IX-të, do të shënojnë notat e tyre të regjistruara në e-ditar. Në fushën e certifikatës për klasën IX (në fushën e bashkëngjitjes) ata do të bashkëngjisin një dokument/imazh (imazh e-ditari) dhe në këtë mënyrë plotësojnë aplikimin. Vërtetimi nga klasa e IX do të dorëzohet detyrimisht në shkollë me dorëzimin e të gjithë dokumentacionit të kërkuar në datat 16 dhe 17 qershor.

Rang-lista preliminare e renditjes së nxënësve të regjistruar do të publikohet më 16 qershor 2022 në ueb faqen e Ministrisë së Arsimit dhe Shkencës http://www.mon.gov.mk, gjegjësisht në https://e-uslugi.mon.gov.mk jo më vonë. se ora 9.

Dorëzimi i dokumentacionit të nevojshëm në shkolla do të jetë më 16 qershor nga ora 12 deri në ora 19 dhe më 17 qershor nga ora 7 deri në ora 19, në pajtim me orarin e përgatitur nga ana e shkollës.