Real Madridi vazhdon si lider i La Ligës në fitoren ndaj Levantes

Real Madridi ka fituar me rezultat 2-0 në udhëtim te Levante në kuadër të javës së pestë në La Liga.

Pas vetëm 16 minutash lojë, Vinicius Junior kaloi Los Blancot në epërsi, duke u ofruar më shumë komoditet atyre.

Më pas Levante filloi të këndellej dhe krijoi disa shanse të rrezikshme, mirëpo ato u shpërdoruan.

📸⚽🎯 ¡La puso en la escuadra!
🕸️ ¡@vinijr abrió el marcador y quitó las telarañas de la portería rival!#LevanteRealMadrid | #RMLiga pic.twitter.com/z7BG6YvfO8

— Real Madrid C.F. (34🏆) (@realmadrid) October 4, 2020

Në pjesën e dytë, Karim Benzema kishte një shans të mirë në minutën e 52-të, por goditja e tij përfundoi jashtë porte.

Brenda pak minutash, Vinicues kishte mundësinë që të shënonte edhe dy gola, e që gjuajtjet e tij nuk ishin të sakta.

⏸ DC: @LevanteUD 0-1 @realmadrid
⚽ @vinijr 16'#LevanteRealMadrid | #RMLiga pic.twitter.com/tE6OugFO2p

— Real Madrid C.F. (34🏆) (@realmadrid) October 4, 2020

Në minutën e 79-të, Enis Bardhi bëri një goditje të fortë nga distanca, por atë e ndali Thibaut Courtois.

Por, ishte Karim Benzema që e vulosi fitoren e madrilenëve me një gol të shënuar në minutën e 90+5.

Pas javës së pestë, Real Madridi është lider me dhjetë pikë, derisa në javën e gjashtë do të takohen me Cadizin. /Telegrafi/

great goal by vinicius pic.twitter.com/F6cYcHWjPu

— #LennonOut (@KieranCFC88) October 4, 2020