Real Madridi duhet t’i shesë disa lojtarë në mënyrë që të mos bëjë shkelje në rregullin financiar.

Los Blancos kanë transferuar disa lojtarë në këto vitet e fundit, por nuk kanë shitur asnjë emër të madh për ta bilancuar gjendjen e tyre financiare.

MARCA raporton se madrilenët duhet të kenë të ardhura mbi 200 milionë euro, në mënyrë që të mos ndëshkohen nga FIFA për shkelje të rregullit financiar.

Gareth Bale (Foto: Aitor Alcalde/Getty Images/Guliver)

Eden Hazard, Eder Militao, Rodrygo Goes, Luka Jovic dhe Ferland Mendy ishin transferimet e Realit në verën e këtij viti, duke shpenzuar rreth 350 milionë euro.

Nga Santiago Bernabeu u larguan lojtari si, Marcos Llorente, Raul de Tomas, Mateo Kovacic dhe Theo Hernandez, por nuk i barazuan shifrat e blerjeve.

James Rodriguez

Klubi ka shpenzuar më shumë në transferime se sa në shtijën e lojtarëve, andaj duhet që në këtë afat kalimtar të janarit t’i largojë edhe disa.

Dy lojtarët që pritet të largohen nga Real Madridi janë Gareth Bale dhe James Rodriguez, që mund ta barazojnë shumën e 200 milionëve.

Në listën e lojtarëve që pritet të largohen janë edhe Mariano Diaz e Brahim Diaz, që nuk janë më në planet e Los Blancos. /Telegrafi/