Joe Gomez ka treguar edhe një herë anën e tij njerëzore të prekshme, pas ndërhyrjes së rrezikshme që bëri Ricahrlison në Thiago Alcantaran.

Sulmuesi brazilian u ndëshkua me karton të kuq në barazimin 2-2 të Evertonit ndaj Liverpoolit në Goodison Park, në kuadër të Ligës Premier.

Pamjet e publikuara tregojnë se si Gomez kap kokën e tij dhe shtrihet në fushë, gjersa shikon ndërhyrjen e tmerrshme të Richalisonit në mesfushorin spanjoll.

Mbrojtësi i Liverpoolit e përjetoi atë moment sikurse të kishte ndërhyrë në të.

Richarlison pas takimit i ka kërkuar të falur Thaigos, pasi nuk e kishte për qëllim të lëndonte atë edhe pse skena fatmirësisht kaloi pa lëndime serioze. /Telegrafi/