Me rastin e zgjedhjes së kapitenit të PSG-së, bashkëlojtarët treguan se çfarë mendojnë sinqerisht për Mbappen

Kylian Mbappe nuk është më një personazh i preferuar në dhomat e zhveshjes së Paris Saint-Germain dhe shumë do të thonë i justifikuar pas sagës që është ende në vazhdim, lidhur me qëndrimin apo largimin e tij nga klubi.

Se shumica e bashkëlojtarëve të PSG-së nuk kanë një mendim të lartë për Mbappen, e tregon edhe vota për kapitenin e klubit.

Pikërisht, kapiteni i Francës përfundoi vetëm në vendin e katërt në votimin anonim të lojtarëve të PSG-së për kapitenin e skuadrës.

Mbappe, i cili mbajti shiritin e kapitenit në disa ndeshje sezonin e kaluar në mungesë të Marquinhos, tani përfundoi vetëm në vendin e katërt me vetëm një votë.

Marquinhos élu capitaine par ses coéquipiers du PSG https://t.co/ldjxVI1RXE pic.twitter.com/rZrh4N9sll

— L'ÉQUIPE (@lequipe) August 22, 2023

Marquinhos mori më shumë vota dhe mbetet kapiteni i skuadrës, ndërsa Danilo Pereira mori rolin e zëvendësit.

Në rast se asnjëri prej tyre nuk është në fushë, shiritin e kapitenit do ta mbajë Presnel Kimpembe, ndërsa vetëm pas tyre u votua Mbappe.

Saga e Mbappes do të vazhdoj edhe për këto rreth 10 ditë që kanë mbetur deri në mbylljen e afatit kalimtar veror. /Telegrafi/

🇫🇷 PSG players made a VOTE to elect the next CAPTAIN of the team and this is how the podium was:

Kylian Mbappé got just one vote, it was from Achraf Hakimi.

(RMC Sport) pic.twitter.com/hR36z1h2fv

— KICK FOOTBALL (@KICKFOOTBAL) August 23, 2023