Rama: Banorët rezidentë s’do të paguajnë parkimin për veturën e parë, çmim më të lirë për veturën e dytë

Në një veprim që pritet të ndikojë pozitivisht tek banorët e kryeqytetit. Ndërmarrja “Prishtina Parking” ka bërë ndryshime kryesore në rregulloren për përdorimin e parkingjeve publike në Prishtinë.

I pari i kryeqytetit, Përparim Rama, gjatë një vizite në ndërmarrje të martën, njoftoi se banorët e Prishtinës që janë rezidentë tashmë nuk do të kenë barrën financiare për të paguar për parkimin e veturës së tyre të parë.

“Banorët rezidentë do të përfitojnë nga politikat e reja; parkimi për veturën e parë do të jetë falas. Për veturën e dytë, tarifat do të jenë më të ulëta,” deklaroi Rama.

Detajet e zbatimit të këtyre ndryshimeve janë të qarta.

“Nga fillimi i këtij viti, ‘Prishtina Parking’ do të fillojë zbatimin e rregullave të reja me qëllim të ofrimit të më shumë rregullit dhe sigurisë në parkingjet publike,” shtoi ai.

Mirëmbajtja e parkingjeve do të jetë një tjetër prioritet për kryeqytetin gjatë vitit 2024.

Rama potencoi edhe angazhimin e bashkisë për të përmirësuar kushtet në zonat e parkimit.

“Ne do të bashkëpunojmë ngushtë me ndërmarrjet tjera publike për pastrimin, larjen dhe gjelbërimin e parkingjeve. Për më tepër, do të kemi investime të rëndësishme nga ‘Prishtina Parking’ gjatë gjithë vitit të ardhshëm,” përfundoi Rama.

Ky njoftim vjen si pjesë e një serie reformash që synojnë përmirësimin e infrastrukturës dhe shërbimeve publike në kryeqytetin e Kosovës./Telegrafi/