Qytetarët e Kosovës po vazhdojnë të përballen me reduktime të energjisë elektrike me nga dy orë.
Ndërkaq KESCO ka lajmëruar që për reduktimet me energji eklektike, qytetarët mund të informohen përmes platformës e-Kesco, megjithatë qytetarët ende vazhdojnë të mbesin të painformuar për reduktimet.
Ata thonë se po informohen vetëm përmes mediave apo rrjeteve sociale. Po ashtu problem i theksuar në kryeqytet janë ashensorët.
Albert Bytyqi, banor i njërës nga ndërtesat në kryeqytet, tregon se nuk e di ku të informohet për orarin e reduktimeve, për çka i ka ndodhur që të mbetet edhe në ashensor për 20 minuta.
“Po, mua më ka ndodhur në mbrëmjen e së premtes. Unë banoj në lagjen “Qafa”, rruga “UÇK”. Pasi jam kthyer nga puna dhe po shkoja në banesë në të cilën banoj më katin e 12-të, kam hipur në ashensor dhe në katin e katërt është ndërprerë energjia elektrike. Kam qenë vetëm në lift dhe nuk kam bërë panik, por e kam marr me qetësi, sepse për fat të keq kjo nuk ishte hera e parë që më ndodh. Menjëherë e kam kontaktuar personin përgjegjës për këtë bllok të banesës. Kam pritur ashtu i bllokuar rreth 20 minuta derisa erdhi personin të cilin e kontaktova dhe më hapi derën. Ky është një problem mjaft serioz, sepse mund të ketë persona të moshuar ose fëmijë që mund ta përjetojnë me frikë, por edhe mbetja për një kohë të gjatë brenda liftit sjell edhe probleme me frymëmarrje”, ka thënë Bytyqi në një përgjigje me shkrim për KosovaPress.
Zenor Kalludra, qytetar nga Klina, thotë se për reduktimet po informohen përmes mediave apo edhe rrjeteve sociale.
“Po informohemi përmes mediave, Facebook-ut… Problem boll kur s’bën televizioni apo kurrfarë informimi. Terr, mjerim në shekullin 21”, thotë ai.
Cun Lajqi, qytetar tjetër nga Prishtina, thotë se reduktime ka mjaft shumë, ndërsa shton se nuk e përdor platformën e-Kesco për t’u informuar për reduktimet.
“Po ka (reduktime) boll… Askund (nuk po informohen) veç kur po ndalen dritat po e shoh se ka ndalesë, përndryshe nuk e di… Nuk e përdori (platformën e-Kesco)”, thotë ai.
Teuta Telaku, auditore e brendshme në Ministrinë e Financave shprehet e shqetësuar me reduktimet e rrymës, për shkak të të cilave thotë se i ka ndodhur që të bllokohet brenda në ashensor. Ajo tregon për KosovaPress se njoftohet vetëm nga mediat për reduktimet.
“Kam pas shqetësim ne ndaljen e rrymës dhe kam qëndruar 20 minuta në lift. Kjo më ka ndodhur duke u kthyer në banesë pas punës, po ashtu temperaturat kanë qenë shumë të larta dhe brenda nuk kishte as ajër. Madje, nuk kishte as valë për ta përdorur telefonin. E vetmja mundësi ishte të trokisja në derë të liftit, derisa erdhën dy persona dhe më ndihmuan të dilja. Lifti kishte mbetur në mes betonit, isha edhe e rrezikuar. Nuk e di pse KEDS-i nuk vepron pas ndaljes së rrymës, të lëshohet rryma për pak minuta sepse ka njerëz që mbesin në lift”, ka thënë Telaku.
Ujup Ahmeti, qytetar nga Prishtina akuzon Qeverinë për reduktimet. Ai thotë se Qeveria nuk është duke ppunuar.
“Energji elektrike s’kemi. Dy orë kemi dhe katër s’kemi. S’po e kuptojmë shtetin. As s’ka rrymë, as ujë. Qeveria s’është duke punuar… Lajmet i shikoj ma shumë…përmes lajmeve”, tha ai.
Zymrye Bytyqi, banore në njërën nga ndërtesat në kryeqytet, ka thënë se mjaft shumë po ballafaqohen me reduktime të energjisë elektrike. Ajo thotë se mbrëmë nga reduktimet, një fqinje e saj ka mbetur në ashensor me dy fëmijët e saj.
“Dy orë pa rrymë e gjashtë me rrymë… Fqinjës i ka ndodhur (të mbetet në ashensor) me dy fëmijë mbrëmë”, ka thënë ajo.
Ndërsa përmes telefonit, zëdhënësi i KEDS-it, Viktor Buzhala ka thënë për KosovaPress se sa i përket orarit të reduktimeve me energji elektrike qytetarët mund të informohen përmes platformës e-Kesco.
Kujtojmë që reduktimet me energji elektrike kanë filluar të aplikohen që nga dita e hënë. /KP/Telegrafi
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe