Hapat që duhet të ndërmerren për të kryer një konfiskim të suksesshëm në fazën sa më të hershme të hetimit gjatë mbledhjes së provave dhe sigurimit të pronës, janë prezantuar sot nga Qeveria. Dokumenti, i quajtur Udhëzuesi për konfiskimin e pasurisë, i përgatitur me mbështetjen e Zyrës së Kombeve të Bashkuara për Drogën dhe Krimin është prezantuar nga zëvendëskryeministrja përgjegjëse për politika të qeverisjes së mirë, Sllavica Gërkovska.
I dedikuar për prokurorët publikë dhe hetuesit nga Ministria e Punëve të Brendshme, Drejtoria doganore dhe Administrata Financiare, por edhe në një segment ka të bëjë edhe me menaxhimin e pasurisë së konfiskuar dhe bashkëpunimin ndërkombëtar. Zëvendëskryeministrja ka theksuar se për të arritur atë nivel të konfiskimit të suksesshëm, hetimet penale dhe financiare të udhëzuara nga Prokurori i Përgjithshëm nuk kanë vend për gabime.
“Prandaj, është e nevojshme që autoritetet hetimore të krijojnë një sistem efektiv për shkëmbimin e informacioneve financiare dhe të tjera gjatë gjithë ciklit të zbulimit dhe konfiskimit të pasurisë. Ajo rrjedhë informacioni duhet të jetë e koordinuar dhe në përputhje me ligjet, politikat dhe procedurat”, shtoi Gërkovska.
Zëvendëskryeministrja iu referua edhe domosdoshmërisë së forcimit të bashkëpunimit ndërinstitucional, i cili në periudhën në vijim do të bëhet përmes Trupit Koordinues Ndërinstitucional për institucionet përgjegjëse për trajtimin e korrupsionit.
Pritet që Qeveria të forcojë mekanizmin për konfiskimin e pasurisë së fituar në mënyrë të kundërligjshme, përmes zgjidhjes ligjore për konfiskimin e pasurisë në procedurë civile. Bëhet fjalë për një draft tjetër, i cili ka marrë një opinion në Komisionin Evropian dhe më pas do të jetë objekt i një debati të gjerë publik, me qëllim që zgjidhja ligjore të jetë efektivisht e zbatueshme në praktikë.
Udhëzuesi, është pjesë e Strategjisë për forcimin e kapaciteteve për kryerjen e hetimit financiar dhe konfiskimit të pasurisë me Planin e Veprimit 2021-2023, zbatimi i të cilit koordinohet nga Kabineti për Politika të Mirëqeverisjes.
Në përgatitjen e Udhëzuesit për konfiskim dhe konfiskim të pasurisë kanë marrë pjesë përfaqësues nga Prokuroria Publike, Ministria e Punëve të Brendshme, Autoriteti për Inteligjencë Financiare, Policia Financiare, Drejtoria doganore dhe Agjencia për Menaxhimin e Pasurisë së Konfiskuar.
Dokumenti është prodhuar në kuadër të projektit “Nga flukset e paligjshme financiare në rikuperimin e aseteve”, i cili zbatohet nga Zyra e Kombeve të Bashkuara për Drogën dhe Krimin dhe është mbështetur financiarisht nga Qeveria e Mbretërisë së Bashkuar./Koha.mk/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City